كلمات مبعثرة
كاتب محترف
إنهاردة بإذن الله هعلمك إزاى تعملى شنطة بسيطة خطوة بخطوة للمبتدئين
نبدأ بسم الله
هنحتاج لعمل الشنطة
قماش جوخ
قماش للبطانة
سوستة
فرنشة
شريط ستان
خيط
خطوات العمل
أول حاجة هنرسم الباترون على ورق دوبلكس بالشكل والمقاسات دى
ولو مش متوفر عندك دوبلكس إستخدمى أى كرتونة وقصيها زى الصورة كده
كده احنا رسمنا باترون الشنطة
هنقص زيه اتنين من قماش الخوج واتنين من البطانه زى الصورة كده
هنستخدم 20 سم من شريط الستان
وكمان قطعتين من الفرنشة كل قطعة طولها 20 سم
أما السوستة هنحتاج منها 28 سم
أول حاجة هنخيط شريط الستان وتحته الفرنشة فى النص بالشكل ده
يا ريت لو نستخدم فى الماكينة دواسة السوستة عشان شكل الخياطة يكون نضيف زى ما احنا شايفين
لكن لو مش عندك ممكن تستخدمى الدواسة العادية
هنركب جراية السوستة و نخيط قطعة من قماش الجوخ صغيرة فى نهاية كل ناحية زى الصورة كده
بحيث انك بتقفلى على السوستة زى الساندوتش عشان الجراية متخرجش ^_^
هنخيط الشنطة فى البطانة فى السوستة زى الصورة كده
بحيث يكون ضهر البطانة للماكينة ووشها ليكى وظهر السوستة للماكينة ووشها ليكى ووش الشنطة للماكينة وظهرها ليكى
معلش يا بنات بشرح بالتفصيل عشان المبتدئات
هنعدل الشنطة هتبقى بالشكل ده
هنديها دور ماكينة جنب السوستة زى الصورة كده عشان تبقى واقفة ومتعاكسش مع السوستة
وهنعمل الجمب التانى زى ما عملنا فوق بالشكل ده
هنخيط الجزء اللى أنا معلمة عليه بخط أصفر زى الصور كده بالترتيب
وهنيجى عند الجزء ده فى البطانه وهنخيط حتة صغيرة من كل جنب
منخيطهاش كلها عشان نعرف نقلب الشنطة
زى الصورة كده
أخر حاجة هنعملها الأجزاء اللى مخيطنهاش فوق
حنحط الخياطة قصاد الخياطة هتعمل خط مستقيم نروح مخيطينه وهو ده اللى هيعمل قاعدة الشنطة زى الصور كده
هنعدل الشنطة ونخيط البطانه زى الصورة كده من تحت
وكده نبقى خلصنا
شايفين القماشة اللى حاطيناها عند السوستة هتخلى الجراية متخرجش وفى نفس الوقت السوستة متكلكعش
وده الشكل النهائى أسيبكوا مع الصور
أنا هنا حطيت على الجراية فرنشة صغيرة للتزيين
