نسيم الليل
كاتب جيد جدا
الشاعر : سعيد بن مانع*
قصيدة : عزاوي خواتي*
أوازن اقوالي .. واترجم سكاتي // لاني فصيح لسان مانيب ملسون
الى .. خواتي .. أمهاتي .. بناتي // بعيد عن .. في كل واد يهيمون
أخو سميه قال : …. يا سيداتي // نفخر بكن وانتن لنا قرة عيون
خواتي أجمل شي في ذكرياتي // ولولا النصيب وسنة الله في الكون
ما فارقن عن عيني وعن حياتي // واحمدك ياربي على الستر والعون
لانهن شعر وجهي حياتي مماتي // وهن في عيوني در والدر مكنون
لكن وصاتي يا عيوني وصاتي // ازواجكن في ناظري ما يهونون
الاخ ما يسلى .. ويبقى يحاتي // وتبقى اللي عيونه نظرها أو وشلون
ما كان سميتو الشرف يا غناتي // ولا غديتو عزوة لكل دندون
قولي سعيد اخي وانا ارخصت ذاتي // من دون ضيقش ترخص النفس وتهون
وشلون ما افخر في عزاوي خواتي // وعيالهم من طيب راسي يطيبون*
. يختي عليك الله ماني بناسيك*
ولا غمضت لي عين بعدك سعيده
اتذكرك باوقات ضحكك واغانيك*
ولا اكذب عليك ان قلت انتي فقيده
وامي بعد روحي يسعد لياليك*
انتي هل الخيرات وانتي عقيده
وانتي لذيذ الروح صوتك وطاريك*
وانتي وجود الجود وانتي وجوده
وانتي ربيع القلب لمسة اياديك*
وانتي حنان الام وانتي رصيده
وانتي كيان الروح وشلون مغليك*
وانتي قديم الجود وانتي جديده
وانتي هديل الشوق لمنهم حواليك*
وانتي اساس القلب وانتي وريده
لو قالوا ان الشعر يحقق امانيك*
لاكتب بك الديوان وامحى واعيده
بالمختصر تدرين وش قلت انا فيك*
انتي وجود الحب وانا عبيده .*
