دائما مايلقب الرجل زوجته بالنكديه ولكن المفاجأه ايها الرجل انها ليست كذلك هى فقط تريد منك بعض الاهتمام البسيط ولن تتخيل مامردود هذا الاهتمام عليها وعلى منزلك بالكامل ستندهش من النتيجه
واليك ايها الزوج بعض الاخطاء التى ترتكبها (بدون قصد) مع زوجتك وكيفيه تجنبها للحصول على حياه سعيدة
1_ عدم مراعاه التغيرات النفسيه والفسيولوجيه للمرأة اثناء الدورة الشهرية والحمل.
يعنى اعمل ايه حضرتك اقولك انا تعمل ايه تستحملها لان تغير الهرمونات ده بيعمل عندها عصبيه زياده هى نفسها مابتبقاش عارفه سببها ايه .
2_ نسيان المناسبات التى تهمها مثل عيد ميلادها او عيد زواجهم اوغيرها .
اوعى تنسى الحل انك تكتب نوت على الموبايل او فى النتيجه او اى حاجه هترن وتفكرك وبكده يبقا ماوجعتش دماغك بحفظ اى تواريخ وفى نفس الوقت افتكرت وبسطها بهديه بسيطه حتى لو كانت ورده او حاجه رمزيه صدقنى هتعجبها .
3_ استخدام الانترنت والموبايل لاوقات طويله دون مراعاه لها .
يعنى حاول انك تخصص ليها وقت بسيط كل يوم اشربو فيه شاى واحكو فى اى حاجه لحد ما كبايه الشاى تخلص وارجع لموبايلك تانى اهم حاجه الوقت ده تكون مركز معاها باصص لها اتكلمو فى اى حاجه (يومك كان عامل ايه _مالك_ تسلم اديكى على اى بتنجان عملته _ اى حاجه اى حاجه ) صدقنى هى هتتبسط اوى وهتستنا الوقت ده بفارغ الصبر وده كمان هيقرب بينكو ويوطد العلاقه اكتر.
4_عدم الثناء عليها عندما تغير من شكلها او لون شعرها او عدم مبالاته عندما تحاول ان تقوم بأى تغيير فى المنزل او اى حركات رومانسية.
والله مش هتخسر حاجه لو قلتلها ايه الحلاوه دى او ايه القمر ده او تسلم اديكى الكلام مش بفلوس قولها بابتسامه حلوه كده هتلاقيها طايره من السعاده .
والله الستات دول محتاجين حاجات بسيطه اوى اوى لو عملتها انت هتبقا سعيد لانها هتحاول تديك اكتر من اللى انت اديتهولها بكتييييييير
