روووح الحب
كاتب جيد جدا
- إنضم
- 26 سبتمبر 2008
- المشاركات
- 3,510
- النقاط
- 881
- العمر
- 39
بسم الله الرحمن الرحيم
السلام عليكم ورحمة الله وبركاته سكان
الكوكب المعمور بالخير والحب
اهل المنارة مرحبا
رح بحكي باللهجة العامية وبعيد عن الفلسفات وتعقيدات الامور
بدنا نحكي عن الحزن شو برئيكون تعريف الحزن ؟؟
ليش الانسان بيشعر بالحزن شو دواعيه ؟؟
هلئ اول شي الحزن بالمعنى العام والي بيعرفوا الجميع هوا
الانخلاع عن السرور والشعور بالكأبة
الانخلاع عن السرور والشعور بالكأبة
او حتى مو الشعور بالكأبة ملازمة الكأبة وكلمة انخلاع الانسان
عن السرور يعني بيدل على انو هالشي مو بئيده يعني مو بكيف
الانسان النفس احيانا بتخلينا نرتكب تصرفاة ونندم عليها حتى انو تشعرنا وتعيشنا بمعنى الحزن العميق
وطبيعي أي واحد منا ونسبة كبيرة عانى من حزنو ع أي شي
بحياتو حتى زعل ع فراق الحب الي عاشو سواء كان من غدر
او فراق لظروف قاهرة او موت لاسمح الله بالرغم ( ان الموت
حق على كل أنسان)
((كل نفس ذائقة الموت))
طب لو فكرنا منيح مو منلائي انو نحنا السبب حتى نخلي الحزن
يسيطر على كل شي فينا
ويخلينا ننئى عن العالم الخارجي ونمنع أي شي جديد ليش؟؟
أكيد لانو نحنا عمنعطي قدر كبير الو !!!!
وكمان لانو عطيناه مساحة كبيرة بحياتنا وخليناه يغزو عالمنا
الفكري بكل افكارو
صدقوني الكأبة شعورها فظيع ومألم كتير لما تحس انك كاره
لكل شي بحياتك
ومدى احساسك بفقدك لشخصيتك
ع فكرة انا اول واحد حسيت بهالاشياء مشان ماحدا يئول شو
هاد عميتفلسف علينا
لكن انا الي بدي وصلو كلمة ,, الى متى
مين ما بيزكر قصة سيدنا محمد عليه الصلاة والسلام لما كان
مهاجر للمدينة المنورة ومعو سيدنا ابو بكر رضي الله عنه
ولما تداور بالغار وكان سيدنا ابو بكر حزين جدا وهاد برئيي
احلى واعذب حزن لانو كانو حزين وخايف على سيدنا محمد
صلى الله عليه وسلم وئتها نظرلو سيدنا محمد عليه الصلاة والسلام وئلو
((لا تحزن إن الله معنا))
خلص لا كلام بيزيد ع كلام سيدنا محمد افضل الخلق عليه الصلاة والسلام
تزكرو هالكلمة لا تحزن ان الله معنا حاولو تتعمقو بمعناها منيح
وتاكدو شدة الحزن رح توصلنا لمرحلة اليأس من الحياة
وتاكدو شدة الحزن رح توصلنا لمرحلة اليأس من الحياة
ويلي بييأس من الحياة هي كارثة بحد ذاتها
لانو ذكر بالقرئان الكريم ((ولا تيأسوا من روح الله انه لا ييأس من روح الله الا القوم الكافرون ))
فكرو منيح بكلامي يا جماعة ئبل ما تردوا لو حابين تردو طبعا
فكرو منيح بكلامي يا جماعة ئبل ما تردوا لو حابين تردو طبعا
بالنهاية بشكركون كتير ع حسن القرائة وبتمنى شوف تفاعلكون حول هالموضوع
ونسعى لنخرج من جو الكأبة الى جو الفرح ونشوف الحياة
بصورة احسن ونتعلم من الغلط الي صار بحياتنا وما نرجع نوئع فيه مرة تانية
بعتزر على الاطالة بالموضوع شكرا كتير الكون مرةتانية
تحياتي اغلى ناس