لو كنت بمكاني شو بتعمل

[شهرزاد النساء]

السلام عليكم
اليوم سؤالي موجه للصبايا والشباب إذا كنت أو كنتِ مكاني شو بتعمل أو بتعملي
لو رحت زيارة لصديق من أصدقاءك وبعد ما دقيت الجرس واستأذنت بالدخول
بتتفاجئ انو مافي حدا منتظرك عند باب غرفة الضيوف وبتنتظر 10 دقايق
أو أكتر شوي وبدون ما حدا يبين لا صديقتك ولا أمها حتى مع انك سمعتي صوتها
ولا حتى أختها اللي أصغر منها بشوي
من عاداتنا العربية اللي تربينا عليها إنو نقدر ونحترم الضيف بس هالأيام كل شي
للأسف أتغير لأنو اتنازلنا عن عاداتنا وتقاليدنا
وأنا رح أحكي عن حالي لأني استغربت الموضوع كتير معقول هي رفيقتي يلي متل
أختي وأعز تهيني بها الطريقة أبداً ما أتوقعت وما عاد يسعفني التفكير بالتصرف المناسب
فحملت حالي ورجعت لبيتي وبعد ما طلعت من بيتها وبدون ما شوف حدا طبعا بشي ربع ساعة
بتبعتلي رسالة عم تبرر وتخانق تبريرها أنها كانت عم تاخد دوش وخناقها لوم عليي لأني مشيت
أنا ما عاد قادرة فكر الحق معي ولا عليي فإذا كنت أو كنتِ مكاني شو بتعمل أو بتعملي:eh_s(10)::eh_s(10)::eh_s(10)::eh_s(10)::eh_s(10):


أنتظر ردودكم بفارغ الصبر

 

رواتب الإطفاء في الكويت

اسعار هدايا التيك توك

مخالفات المرورالكويت

عدد المتابعين للربح من لايكي

مراسلة الفيس بوك

[أميرة ~ الورد]

رد: لو كنت بمكاني شو بتعمل

طبعاً حبيبتي معك حق باللي عملتيه

وحتى لو هي كانت بتتحمم يعني اكيد في حدا تاني بالبيت غيرها سواء اختها او امها

انا لو انحطيت بهالموقف دغري بحمل حالي وبمشي

لانه مو جايه لعندها حتى تهينني

هدا رأيي ,،

تقبلي مروري ..

 

[خيوط الشمس]

رد: لو كنت بمكاني شو بتعمل

يلي عملتوا بنوب مو مزبوط
بس لو انا مطرحك بحياتي ما بححكي معها
لك الود

 

[GARDENIA]

رد: لو كنت بمكاني شو بتعمل

أصول الاستقبال من ذوق الشخص وحسن تعامله مع الاخرين
يعني لو زارنا في بيتنا اي حدا حتى لو مامنعرفه الواجب نحسن استقباله فكيف لو كانت رفيقتك أنا لو مكانك بقطع علاقتي فيها فورا لأنو ليس مبررا ماتستقبلك وأهلها بالبيت طيب مشغولة وين أمها أو اختها
الله يصلح حالنا

 

[شهرزاد النساء]

رد: لو كنت بمكاني شو بتعمل

بشكركن
وكل اللي قلتو صح منورين خيوط الشمس وأميرة الورد وأميرة العاصي
أنا هاد اللي رح أعملو لأنو مافي الها أي مبرر واللي بيزعج انها قايمة بالعالي
يعني لو قدمت اعتذار كان الواحد قال انها حست بالغلط اللي صار بس هي
شايفة انو الوضع طبيعي مع انو مو هيك
بشكركم على ردودكم مرة تانية

 

[حزن القمر]

رد: لو كنت بمكاني شو بتعمل

وحدة أبدا ما فيها زوء لأنو الضيف لازم يسحن الواحد استقباله

 

[دانيال]

رد: لو كنت بمكاني شو بتعمل

السلام عليكم ورحمة الله وبركاته

خلينا نحكي بعفويه شوي ونشيل اللغة العربيه الفصحة
هلء برئيك لو انك ضيف غير مستحب به ما كانت دعتك صديقتك من البدايه
بس ممكن في ظروف خلتها تقصر بالضيافه
دائما لازم نحن نلتمس العذر لمن نحب
ولا غير هيك الدنيا ما بتمشي

 

[ميري]

رد: لو كنت بمكاني شو بتعمل

اي صارت معي وانا لما دقيت الباب فتحتلي اختها الصغيرة وضليت كتير بغرفة الضيوف ولا حدا بان لا رفيقتي ولا امها فقررت الخروج وماعاد رجعت لعندها طبعا هيي بررت هالشي بس مومعقول يجي ضيف وما نكون ناطرينه علا الباب هيي بحسها قلة أحترام او غباء

 

[نيره على]

رد: لو كنت بمكاني شو بتعمل

اختي الحبيبة انتي وحدك التي تستطيعي ان تحكمي عليها من حكم عشرتك لها ومعرفتك بها

واعتقد انه لازم ان نلقي الاعذار للناس

ممكن تكون صادقه وممكن تكون في روف اقوي من انها كانت بتاخد دوش ومش هتقدر تحكي

فانا من راي انك لا تتعجلي بالحكم

وانا عن نفسي لو حصل معايا الموقف ده

هحاول اكرر الزيارة ولو تكررت نفس الفعله

من تلقاء نفسي

انتهت هذه الصديقة من صفحة كتابي

تقبلي مروري حبيبتي واسفه علي الاطاله

 

[آنفآس آلمطر]

رد: لو كنت بمكاني شو بتعمل

عيوني اول شي مسى الخير
تاني شي
تصرفك كتير سليم
ولو انا مطرحك اكيد بمشي
لاني مني فارضة نفسي على حدن
وتالت شي
تصرف رفيئتك الغير مزبوط ان
تطلع عليكي بالعالي
وليي عليها هيدا بدل ما تعتزر منك
مني عرفانة معك كل الحئ
لان ازا هي مشغولة في والدتا واختا
.. محبتي شهرزاد ئلبو تعي لعندي انا شو بدك فيا
:123:

 

[فتى دبي]

رد: لو كنت بمكاني شو بتعمل

يسلمو ايديكي على الموضوع
تصرفك وخروجك من البيت في مكانو
وعدم قدوم احد من اهل البيت دليل على عدم الرغبة بهذا الضيف
وتطلع بلعالي بحجة انها عبتتحمم عذر اقبح من ذنب
من رايه تقطعي علاقتك فيها لانها لاتقدرك
تقبلي مروري

 

[شهرزاد النساء]

رد: لو كنت بمكاني شو بتعمل

السلام عليكم ورحمة الله وبركاته

خلينا نحكي بعفويه شوي ونشيل اللغة العربيه الفصحة
هلء برئيك لو انك ضيف غير مستحب به ما كانت دعتك صديقتك من البدايه
بس ممكن في ظروف خلتها تقصر بالضيافه
دائما لازم نحن نلتمس العذر لمن نحب
ولا غير هيك الدنيا ما بتمشي

حاولت التمسلها عذر قبل ما اتصرف اي تصرف
بس وقت بيكون امها واختها بالبيت وما حدا بيفوت وبيقول انها ثواني وبتجي
هاد يلي مو مقبول وانها بعد هاد تبعت مسج وتطلع بالعالي هاد بيزعج اكتر
مشكور على مرورك

 

[سمسمة]

رد: لو كنت بمكاني شو بتعمل

مساء الخير عليكم
أهدو شوى يا جماعة
اللى حصل ممكن أوى يكون سوء تفاهم
وبعدين انتى بتقولى صحبتك يعنى أكيد بتحترمك
ولازم نلتمس الاعذار للناس
ويمكن هى صادقة معاكى ومكنتش تقصد تغلط بحقك
أنا من رأى تصبرى شوى قبل ما تقطعى علاقتك بيها
ألا أذا تكرر مثل هذا التصرف
مشكورة أختى

 

[شهرزاد النساء]

رد: لو كنت بمكاني شو بتعمل

عيوني اول شي مسى الخير
تاني شي
تصرفك كتير سليم
ولو انا مطرحك اكيد بمشي
لاني مني فارضة نفسي على حدن
وتالت شي
تصرف رفيئتك الغير مزبوط ان
تطلع عليكي بالعالي
وليي عليها هيدا بدل ما تعتزر منك
مني عرفانة معك كل الحئ
لان ازا هي مشغولة في والدتا واختا
.. محبتي شهرزاد ئلبو تعي لعندي انا شو بدك فيا
:123:

مشكورة لرأيك وانا جاية ع جناح السرعة بس قليلي وين
لأعرف شو بدي اركب سيارة ولا طيارة منورة:grin:

 

[بنت اليمن]

رد: لو كنت بمكاني شو بتعمل

خيتي شهرزاد
بظن الكل عطوك نفس ردي
بس انا بتمنى تنحل القصه وتردي انتي ورفيقتك وترد تراجع حالها وتعتزر وما بظن الاعتزار بينقص من قيمة الشخص بنوب .

تحياتي و ورودي لكي غاليتي
ويلا انا وانتي لعند نور عطول
ههههههههههههه

 

[شهرزاد النساء]

رد: لو كنت بمكاني شو بتعمل

منورة حبيبتي بنت اليمن
شكرا لرأيك يلي بيهمني كتير

 

[LEGENDS]

رد: لو كنت بمكاني شو بتعمل

وعليكم السلام ورحمة الله وبركاته

هي رفيقتي يلي متل
أختي وأعز تهيني بها الطريقة أبداً ما أتوقعت وما عاد يسعفني التفكير بالتصرف المناسبب

اخت شهرزاد انت هون بتحكي انها اعز من صديقة الك .
حساسيتك المفرطة يمكن تؤدي لتنافر الارواح بينكن !
وقد حث رسول الله على التماس الاعذار للاخوة حين قال ( التمس لاخيك المسلم سبعين عذراً )

التمسي الها العذر يمكن يكون ما بتعرف العادة او كانت مستعجلة و ما خبرت حدا او محدا من اهل البيت بيعرف بقدومك !
ولو هيي ما بتحبك ما كانت عاتبتك على خروجك كانت خلت الامر يمشي ولا كأن شيئاً لم يحدث !
من رأي تسوي زيارة تانية و تصارحيها بالموقف و اكيد هيي رح تتعلم شي من تجربتها معك ، محدا معصوم عن الغلط و يوم ليك و يوم عليك و اكيد هيي اعتبرتك من اهل البيت و كـَ أخت ألها .

وفقك الله​

[/b][/size][/color][/font]

 

[RETARETA]

رد: لو كنت بمكاني شو بتعمل

عزيزتي بدي ئلك بس بغض النظر كل اللي حكوه الأخوة ئبلي

أنو مين فتحلك الباب لتدخلي على بيتها

لو حد من أهلها فتحلك الباب وبعدها تركك لحالك ف

هاد شي ممكن يصير أنتي ما بتعرفي شو بيكون ظرفو

أما أنو أنتي فتحتي الباب ودخلتي لحالك فهاد شي كمان ما بيجوز

يعني مهما كنتو رفقة وأصدقاء وبتموني عليها البيوت إلها حرمة

ومو لازم تدخلي بدون ما حد منهم يفتحلك الباب

برأيي قبل ما تحكمي على رفيقتك لازم تسمعي تبريرها عنها وعن أهلها ليش عملوا هيك

بالنهاية هي الشكليات والعادات تبع إكرام الضيف بين الناس اللي متل الأهل مالها وجود

ما بعر ف شو ئلك غير هيك

بس اعرفي أسبابها وظروفها أول بعدها بتحكمي عليها

وهيك موقف مو مستاهل تنهي علاقتك مع صديقة متل أختك كرمالو

الحياة مو هيك بتمشي

موقف واحد بينهي المحبة والمودة

الحياة بدها تتعاملي مع الأمور بروية وتحاولي تفهمي الطرف الآخر

وتلتمسي عذرو قبل ما تحكمي عليه

مع احترامي للجميع

ممكن رفيقتك غلطت

بس جل من لا يخطئ

تحياتي حبيبة ألبي

والله يهدي القلوب

 

[نرمين]

رد: لو كنت بمكاني شو بتعمل

الى عملتيه صح الصح وكان المفروض لو مشغول تبعت حدا يعتذر بالنيابه عنه اى حلو انك سمعتى لاله وانه اعطيته فرصه لحتى تدافع عن موقفه هادا كرم منك بس بظن بعد هالموقف لازم امور كتير تتغير من ناحيته خليكى معتبريها صديقه بس قلله وصراحه انه ما اقتنعتى بموقفه وانه احرجتك ومن هاللحظه تكون علاقتك فيها رسميه لحتى تصلح هالموقف او الزمن يصلحه تحياتى يا ئمر انه تتصرفى هيك مو غلط يا قلبى هادا تربيتنا وزوءنا وكيف اهلنا ربونا وهى كيف تصرفت كمان كيف تربيت ما تطلعى على تصررفه لانه غلط واقتنعى انه موقفك صح الصح تحياتى

 

[عاشق الليل]

رد: لو كنت بمكاني شو بتعمل

شهرزاد

من حقك ان تدايقي وان تزعلي

لكن هل فكرتي بالاشياء الجميلة التي بينك وبين صديقتك

هل فكرتي انها تحبك وتحبيا

ليس علينا ان نحكم الانسان من موقف قد يكون فيها هوه في حالة ضعف

عليكي ان تعرفي ما السبب الذي ادى الى ذلك قبل ان تحكمي

وكوني افضل منها وسامحيها