من منا لا يكذب

[سهم الليل]

السلام عليكم ورحمة الله

الاخوة الاعزاء والاخوات الفاضلات
ما دام ان المنتدى سمي للحوار ونقاشات المواضيع المهمة ....
فدعونا نناقش الموضوع من وجهات نظر مختلفة ....
فهل نحن نكذب في حياتنا ...
ومتى ان كنا نعترف باننا نكذب ...
وهل الكذب مبرر...
... ومن منا لا يكذب...
... وهل نكذب حينما ندعي اننا لا نكذب
... وهل المجاملة كذب ...
وكيف يساعدنا المجتمع على الكذب او يحد منه....
وهل هناك درجة مقبولة للكذب في مجتمعاتنا ...
وهل الفهلوة .. والشطارة ... ودبر حالك ... مقبولة لدينا ....
وهل الطيبة والصدق يعتبران خبل او هبل .. في بعض المواقف ....
دعونا نناقش الموضوع بصراحة .....

 

رواتب الإطفاء في الكويت

اسعار هدايا التيك توك

مخالفات المرورالكويت

عدد المتابعين للربح من لايكي

مراسلة الفيس بوك

[مشاااااغبة]

رد: من منا لا يكذب

ما في واحد منا كامل لانو الكمال لله بس هنالك درجات للكزب وما بتوقع واحد منا ما بيضطر يكذب بس كذب عن كذب بيفرق بس كلو حسب رائيي كذب واي تبرير الو غلط
اما الشطاره والفهلوه لانو زمنا هيك بدو ان لم تكن ذئبا اكلتك الذئاب
اما طيبه القلب فتعتبر انو انسان ما بيفهم وصدقني ما فيه يعيش بمجتمع متل مجتمعنا لانو الشاطر الي بدو يصير يتمسخر علية ويثبت رجوليتو وشطارتو من خلالو
تقبل مروري خيو

 

[سهم الليل]

رد: من منا لا يكذب

منوووره خيتو مشا غبه انا معك من شا ن انو الواحد يكزب كزبات معئوله واكيد بمبرر ......بس انو نشيل طيبه الالب من قلبنا وين وشلوون بدنا نخاف على بعض انا معك انو ما حد بها الوقت بيستاهل طيبه القلب بس اكيد بنضل بني ادمين ومهما قسينا من البنا را ح ننندم على هالشغله ...........

 

[osama]

رد: من منا لا يكذب

يسلمو على الموضوع
ما في واحد الا اياما بيضر يكذب
للضرورة احكام

 

[سهم الليل]

رد: من منا لا يكذب

منووور خي اسامه اي بس كزبه عن كزبه بتفرء

 

[عاشقه الصمت]

رد: من منا لا يكذب

الواحد احيانا بيضطر يكزب ..بس أنو تكون كزبه بيضه ......واحيانا الواحد لازم يكزب في حاله اصلاح بين تنين متخاصمين ..أو ازا بكون نيه الكزب فيا شي منيح ....بالنسبه للمجاملات ..برأيي انو لا تعتبر من الكزب ..لانو ازا الواحد بدو يحكي كل شي حقيقه بلا مجاملات ..في ناس ما بيتحملو الصراحه لهدرجه ..الواحد لازم يكون عندو اسلوب المجامله ..
بالنسبه لــطيبه القلب ...الانسان بلا طيبه قلب ما بيكون انسان ...بس بحدود ..طيبه مو لدرجه الهبل والسذاجه ..كون طيب وشغل عقلك منيح ...

شكرا كتيــــــر..سهم الليل ..على الموضوع الرائــــع "مو مجامله "
سلمت يداك...

 

[فتى العاصي]

رد: من منا لا يكذب

موضوع جريء يستحق المناقشة

الكذب أخي محرم في الإسلام حيث عندما سأل النبي عليه الصلاة والسلام عن الكذب غضب وقال المؤمن لايكذب وكررها ثلاث

وبحب صحح للأخت عاشقة فلسطين أن ليس هناك كذبه بيضاء وكذبه سوداء الكذب كذب

بس علماء المسلمين حددوا بعض المواقف الذي يصح فيها الكذب

متل الإصلاح بين الرفاق ، الإصلاح بين الزوجين ، الكذب على الأعداء في المعارك

أما يلي بيعمل حاله فلهوي وبيكذب يمين وشمال ومحسب حاله ملك زمانه بحب قلوا لمثل هولاء لايحسب العالم ما بتفهم

يعني بجوز يصدقه واحد أو تنين أو تلاته بس إلا ما ييجي يوم وينكشف فيه

أخي بنصح الكذبين يعودوا إلى صوابن يعملوا بما أمرهم الله

ولا ينظروا لكلام الناس

 

[LEGENDS]

رد: من منا لا يكذب

وعليكم السلام ورحمة الله وبركاته

اهلاً بك اختي الكريمة . . . . .

الكذب ، الصفة المذمومة في الدين الاسلامي و المحرمة على الانسان المسلم و لكن من منا لم يكذب في حياته !


من الممكن أن أكذب بحيث ان انجي نفسي من أمر ما ! ولكن اتذكر قول رسول الله صلوات الله و سلامه عليه

ان كان الكذب ينجي فان الصدق انجى



اللهم اغفر لنا هزلنا و جدنا


و من الممكن ان تكون كذبة صغيرة تدمر حياة انسان او تحرمه من شيء ما .


شكراً لك اختي الكريمة


تحياي لكِ

 

[RETARETA]

رد: من منا لا يكذب

الكذب موجود عند الجميع

ولكن بنسب مفاوتة

ويبقى كذب مهما تعددت المسميات

شكرا على الموضوع