كفى يا جرح لا تبكي كل الجروح تطيب
ترى كل البشر يخطون ونتحمل خطاياهم
بكينا واندفن فينا حزن اصدق من التكذيب
بكينا بكل مافينا وفينا العذر منهم
لقينا ناس فيهم قلب وناس فنونها التعذيب
ولكن مانقول الاااااه ولاتتعب مسامعهم
وسافرنا فراق الهم ولقينا الهم فينا عيب
وواصلنا مسيرتنا وكل قلبنا معهم
نخبي اجمل الاهات ولا نرتب لها ترتيب
وتاخذنا سنين العمر ونتحمل خطاياهم
كذا يا جرح هالدنيا سهولتها من التصعيب
حلاوتها في قساوتها ولكن عيب نعلمهم
تانبنا ضمايرنا ولا نلقى سوى التانيب
مصيري او مصير الي بيخطي ويجاملها
صحيح قلوبنا تتعب ولكن اجمل التعذيب
عذاب اغلى البشر لا صرت تتعذب لراحتهم