<<< معلومات عن أنظمه الكابريتر (( Carburetor System )) >>>

المهندس

كاتب جيد
السلام عليكم ورحمه الله ...







وعدتكم بهل موضوع و اليوم لي خلق اكتب الموضوع ...




موضوع بسيط و سهل و محتاج تركيز بسيط جداً ..



Carburetor System :



Picture1.jpg


وظيفته خلط الهواء مع البانزين بكميه محدوده و نسبه صحيحه لتلائم حاله المحرك من تسخين و تعجيل وووو ...


و يعمل علي ترذيذ البانزين عشان يسهل خلطه و نقله للسلندرات ...




للكابريتر 7 انظمه (( Basic Carb SYS )) الانظمه الاساسيه :




اتظمه الكابريتر عباره عن شبكه من الممرات متصله مع بعضها البعض تساعد منها علي خلط نسبه صحيحه لمد المحرك بالبانزين ..


و النسب الصحيحه لحالت المحرك هي :



8:1 _ هذي النسبه حق تسخين المحرك (( الشوك )) .


16:1 _ هذي النسبه حق المحرك في وضع البطئ من غير حمل .


15:1 _ للضغط الجزئي علي الدواسه يعني تسريحها .


13:1 _ للتسارع الكامل يعني الضغط الكامل و المفاجئ علي الدواسه .


18:1 _ للسرعات الاقتصاديه و الخطوط السريعه بسرعات ثاابته .



Picture2.jpg



هذي اهم النسب و يمكن تفرق من و الي علي حسب التصميم وووو ...



الحين راح نتكلم عن الانظمه السبعه و هي ..



1_ نظام العوامه (( Float SYS )) .


2_ نظام السرعه البطيئه من غير حمل (( Idle SYS )) .


3_ نظام السرعه البطيئه مع الحمل (( OFF-Idle SYS )) .


4_ نظام التسارع او التعجيل (( Acceleration SYS )) .


5_ نظام السرعات العاليه (( High - Speed SYS )) .


6_ القدره الكامله او الطاقه الكليه (( Full - Power SYS)) .


7_ نظام التسخين (( Choke SYS )) .




و اولاً ابي اتكلم عن شغله ..




نظام الكابريتر يعتمد علي الفنشوري و الفنشوري اهو مثل خانق عشان يسبب خلخله


و الخلخله اهم شي في الكابريتر ..



1111111.jpg







يتبع .......
 

المهندس

كاتب جيد
رد: <<< معلومات عن أنظمه الكابريتر (( Carburetor System )) >>>

شرح الانظمه ال 7 للكاربيتر :





1- نظام العوامه (( Float SYS )) :


Picture3.jpg



هذا النظام يخلي مستوي البنزين في الكابريتر ثابت اذا قل مشكله و اذا زاد هم مشكله المكينه ترجف و تطلع دخان اسود ووو ...


لمن ينترس تجويف الكابريتر ترتفع العوامه و بأبره تسد مكان السيت و يمنع دخول البانزين و العكس صحيح لمن يقل مستوي البانزين ..



2_ نظام السرعه البطيئه من غير حمل (( Idle SYS )) :



Picture4.jpg


هذا النظام يمد المكينه بمكيه قليله من البانزين عشان يساعدها علي العمل لين 800 RPM ..

كيف عمله ؟!


طريقه العمل انه لمن يكون المحرك علي الحمل المنخفض و لمن يكون ال TV (( صمام الخانق )) مغلق يكون الضغط تحت الصمام اكبر من الضغط فوق الصمام ف التخلخل يزيد تحت لانه مغلق ف يسحب البانزين من الفتحات الجانبيه ..

و ضغط الهواء يدخل من الفتحات من الاعلي و فيه بصمام الخانق فتحه عشان تمر كميه قليله ..


و لمن يقولك قاعد اعير الكابريتر الي يتعير بس هل حاله يعني يعير ضغط المكينه لمن تكون وااقفه و ما تتعير و اهي اقعد تمشي يعني العيار عشان مكينه انعم و ما يزيد اي احصنه ..


و يتم ضبطه عن طريق البرغي علي الجنب (( Idle Mixtuer Scrwe )) طبعاً لازم السياره شغاله ..

و فيه بعض الكابريترات فيها اثنين مو واحد ...



3_ نظام السرعه البطيئه مع الحمل (( OFF-Idle SYS )) :


Picture5.jpg


نفس الحاله الاوله يعني نفس من غير حمل

بس الفرق انه الصمام يكون فاتح اكثر ف الفتحات الي علي الجنب الاثنين الي فوق يدخلون تحت الخلخله ف تسحب بانزين زياده و الهواء يدش اكثر ..


بعض الاحيان فيه فتحتين او اكثر بعد علي حسب التصميم ..

و هل نظام يعمل فوق ال 800RPM ...

4_ نظام التسارع او التعجيل (( Acceleration SYS )) :


Picture6.jpg



هذا النظام يعمل فقط عند الحاجه للتعجيل او التسارع ..


يعطي المكينه بكميه كبيره من البانزين بسرعه كبيره عشان تزيد سرعتك ...


ملاحظه مهمه هل نظام يعمل لمده 10 ثواني بكثير يعطي كميه كبيره وحده عشان يرفع قوه المكينه و بعدين فيه انظمه ثانيه تعمل ..

لانه الهواء الداخل المفاجئ ما راح يسحب كميه كبيره من البانزين لانه المكينه علي دوران منخفض ف هل كميه الكبيره ترفع الخلخله و تقف عن العمل ..



كيف يعمل ؟!


سهل جداً فيه مضخه مكانيكيه متصله مع الدواسه لمن تضغط علي الدواسه بكل قوه او فل راح تدفع المضخه البانزين بشكل كبير و لمن يخلص البانزين في تجويف المضخه فيه كره تسكر هذا المسار عشان لا يصير البانزين غني واايد ..


و كابريترات الهولي فيه البعض دبل بمب تصير ثنين و استلم البانزين ...



5_ نظام السرعات العاليه (( High - Speed SYS )) :



Picture7.jpg


هذا النظام يأتي بعد نظام التعجيل علي طول و فيه ناس توسعهم عشان كميه بانزين اكثر


طريقه عمله ... هذا تشوفونه اربعه و واضحين اثنين قدام و اثنين خلف و بنص في دائره الصمام ..


لمن تدعس علي الدواسه تفتح الصمام ف الفنشوري يسبب خلخله و سحب للبانزين و مع سرعه العاليه للمحرك تزيد الخلخله ف تسحب البانزين من هل فتحه و يعطيك الاداء ...




6_ القدره الكامله او الطاقه الكليه (( Full - Power SYS)) :




Picture8.jpg




هذا للقوه الكامله و الطاقه الكليه للمكينه تطلع من هل نظام


فيه مثل ابر ثنتين تشوفهم من بره متصلين مع الدواسه و علي الجزئ الاكبر من الكابريتر الي هو الدائرتين الكبار ..


لمن تدعس دعسه كامله راح تفتح المسار حق المجري و مثل الطريقه السابقه فنشوري و يسحب و باانزين زيااده ..





7_ نظام التسخين (( Choke SYS )) :



Picture9.jpg



هذا نظام التسخين انا شفت ثلاث انواع منه



اول شي بقولكم اشلون طريقه و اشلون نخلي البانزين غني 8:1


لمن نسكر الغطاء الي فوق راح تشوفونه في الكابريتر و معروف ف الخلخله تحت عاليه

ف يسحب بانزين من الفتحات اكثر من الهواء ف تزيد النسبه ..



هذا واحد عن طريق هواء الاقزوز لمن يسخن يتمدد السلك و يفتح الصمام التسخين الي فوق متصل معاه ف يدخل الهواء وتقل الخلخله ف ما يطلع بانزين ..


و فيه واحد ثاني عن طريق الخلخله او الفاكيوم يكون موصل مع الثلاجه او تحت الكابريتر

يسكب الابره و يفتح مجري جانبي حق البانزين ..


و فيه نوع ثالث الاكتروني بس عمري ما شفت مثله و اهو يسخن السكل عن طريق الكهرباء و فيه مثل ثرموتايم اسوج يعطيه المعلومات و نفس طريقه الاول بس الاكتروني يعني ..


اي سؤال حاظرين ..


وصلنه حق نهايه الموضووع و هذا اهو الكابريتر و يعيش الكارب و يسقط البخات ..


و ان شاء الله في الموضوع الياي اقولكم شنو الفرق بين البخاخات و الانواع و الانظمه ..

كلها مصدقه من شركت بوش العالميه للحقن ..



ارجو عند نقل الموضوع ذكر المصدر او اسم الكاتب


مع تحيات ASE Tame ..
 

عاشق الليل

مُديّرْ المُنتَدىَ
طاقم الإدارة
رد: <<< معلومات عن أنظمه الكابريتر (( Carburetor System )) >>>

مشكور يا معلم

بس اعتقد انو هل النظام انقرض صار بدلو مبدء البخاخات

وشكرا الك كتير عا جهودك

دمت بخير
 

عمو Google

كاتب جيد جدا
رد: <<< معلومات عن أنظمه الكابريتر (( Carburetor System )) >>>

الله يبارك فيك والله انا هي أول مرة بعرف اني في عنا هيك بالمنتدى


يسلموا ايديك أخي المهندس على المعلومات الحلوة
 

*خالد*

من المؤسسين ,
رد: <<< معلومات عن أنظمه الكابريتر (( Carburetor System )) >>>

مشكور يا غالي بس سين سؤال بيمشي حاله طبقه على البسكليت يلي عندي؟؟؟ ههههههههه
تسلم ايديك يا غالي​
 

osama

مُشَرفْ سَابَق
رد: <<< معلومات عن أنظمه الكابريتر (( Carburetor System )) >>>

مشكور على الموضوع الراااائع
اخي المهندس
 

ابومشافي

كاتب جديد
رد: <<< معلومات عن أنظمه الكابريتر (( Carburetor System )) >>>

مشكور يا غالي تسلم ايديك
 

شموخ رجل

كبار الشخصيات
رد: <<< معلومات عن أنظمه الكابريتر (( Carburetor System )) >>>

اشكرك اخي العزيز على الشرح الكامل
ان شاء الله الفائدة للجميع
تحيتي
 

Besala

كاتب جديد
رد: <<< معلومات عن أنظمه الكابريتر (( Carburetor System )) >>>

يعطيك العفية شرح وافي
 
أعلى