مشكلة تعدد العلاقات عند الرجال

قيثارة

كاتب جيد جدا
الرجال ثلاثة انواع في ذلك
#النوع_الاول : وهو اللي بيتعرف على نساء كثير ومش بيقدر يكتفي بواحده.
#النوع_الثاني : وهو اللي بيستمر يتعرف لغاية لما يوصل للمرأة التي يريدها بالضبط ويتوقف.
#النوع_الثالث : وهو اللي بيكتفي بزوجته وفقط وموضوع العلاقات دا مش في باله نهائيا وعايش راضي حتى ولو كانت حياته فيها بعض المشاكل بس هو محافظ على علاقته بزوجته فقط ولا تثيره اي من النساء الاخرى .
وطبعا اغلب النساء بتتمنى النوع الثالث اكيد
وهنلاقي احيانا يكون تقصير الزوجات السبب في خيانة الزوج، واحيانا ماضي الزوج هو السبب
ونيجي بقى دلوقتي نتعرف على تأثير علاقات الرجاله في الماضي على خيانته لزوجته بعد ذلك من عدمه.
هنلاقي في نوعين
#النوع_الاول : اللي كان علاقته بواحده او اثنين في نفس الفتره .... ودا هنلاقيه احتمال كبير جدا بيقدر يكتفي بزوجته فقط بعد الزواج.
#النوع_الثاني : ودا اللي بيكون متعدد العلاقات وممكن نلاقيه بيتعرف على خمسة مثلا في نفس الفترة وبعدين ينتهي منهم يتعرف على خمسة تانيين وهكذا، وغالبا النوع دا مش بيقدر يعيش بزوجة واحده ، وان استمر محافظ على علاقته بها هي وفقط سنة او سنتين او ثلاثة ميقدرش يكمل بها هي وفقط بعد كدا
وطبعا لكل قاعده شواذ ومش لازم كلامنا دا ينطبق على الكل، فقد يحدث للزوج موقف ما بعد ذلك هزه بشكل كبير ويكتفي بزوجته وفقط.
ودمتم على خير
ومنتظره تعليقاتكم على الموضوع دا
#رشا_حمودة
المستشارة الأسرية وممارس الدعم النفسي وتطوير الذات

 
أعلى