تسجيل الدخول


قسم الجمال و الماكياج قسم الجمال والمكياج وادوات المكياج

تجارب الغزال الطائر لشد الجسم وانقاص الوزن، تجميعة

 
أدوات الموضوع انواع عرض الموضوع

 وردة الربيع2  

  • التسجيل

    12 - 9 - 2019

  • العضوية

    87508

  • المشاركات

    13

  • المعدل

    1.13 يوميا

  • نقاط التقييم

    10

  • معدل التقيم

    0

تجارب الغزال الطائر لشد الجسم وانقاص الوزن، تجميعة

2019-09-12, 04:36 AM

السلام عليكم ، كيفكم بنات
جبت لكم اليوم جميع تجارب البنات لجهاز الغزال المعروف ، طبعاً دورت في قوقل وما خليت موقع الا ودخلتة عشان اضم كل التجارب اللي البنات منزلينها عن الجهاز،
بداية هذه صورة الجهاز للي ما تعرفه



التجارب اللي جمعتها 15 تجربة او اكثر، بعضها تجارب بنات شرحوا تفاصيل كاملة مثل (من فين ماخذه الجهاز، كم سعره، وكم مدة استخدمت الجهاز، ومتى حصلت على نتائج، وعلي اي منطقة لاحظت النتائج اول شيء) المهم، وبعض التجارب ما ذكرت الا النتيجة او رأيها عن الجهاز. المهم انا حاولت ان اشمل كل التجارب وذكرت من وين اخذت كل تجربة. وفي الاخير اتمنى انكم تستفيدوا وتدعوا لي.

سارا999 محررة

حبيبتي الله يوفقك دنيا واخر انتي جربتي هلجهاز

نفع معاك قوليلنا وش سوا بكرشتك ولا فخوذك ولا وشو يقولون للجسم كله

@الصــ 2ـــابره@

ياقلبي الجهاز عندي وبديت من قبل رمضان بجديه استخدمه ومستمره عليه الحد الآن صارلي 5 شهور والعب عليه مابين ساعه وساعه ونص وحيانا ربع ساعه بس الافضل يكون ساعه الانو مايتعب ومرييح لركبه وبصراحه كلمة رووعه قلييله عليه بان في جسمي ومقاساتي تغيرت وللي يشوفني يقول وزني 70 وانا وزني 83 الحين حتى الكرش من تحت بدت تشد صغرت عن اول انتي راح تلاحضي في المقاسات بس اهم شئ الاستمرار وحطي في بااالك انو ماافي احسن من الرياضه خليها جزء من حياتك حتى لو تهاونتي يوم يومين ارجعي كملي وش ورانا دعواتك لي بذريه الصالحه المعافاه" المصدر عالم حواء

-__________________________________________________ ___________

شفيونكا فوشيهـ

انا من قبل سويت رجيماات واايد بس اكثر شي ضعفني رجيم دشتي
كان وزني تقريبا 61 صار 55 بس يااافرحه ماااتمت صديت عن الميزان اسبووعين بسس لأن كان خربان و لما شفت وزني مره ثانيه و الا جم صاررر 64 يماا تقريبا زايده 9 كيييلو
عاد هوونت قلت مااكو رجيم بعد اليوم الا مع رياضه و جم وحده تكلمت عن هالشغله ان بيزيد وزنج دببل

واتذكر قبل مااسوي الرجيم كنت العب على الغزال الطائر بالاسبوع مرتين او ثلاث بس شنوو لمدة ساعه او ساعتين
و ضعفت صججج ضعععفت حتى واايد ماعرفووني بس معا كنت مخففه اكلي يعني كللله اكل لحووم و همبرجر و هالاشياء
و الله الكل يسألني شنو مسويه و من هالحجي
و اتذكر ماطولت و انا امشي عليه بسرعه مليت تقريبا شهـــر و الحمدلله لما الحين مارديت على شكلي الاولي لأني كنت بطططه بس هم في زوائد


عاد الحين صج عرفت من تجاربي شنوو اللي يدووم و شنو اللي ينفع

فقررت اسوي جدوول رياضي بس الاكل بخفف و بس

اول شي اللي بستخدمه

الغزال الطائر كثثثر مااقدر
+ رياضه من فيديو باليوتيوب مالت المدربه اللي بالرابح الاكبر
اهيا حاطه 3 ليفلات كل ليفل تمشين عليه مده لما تحسين ان جسمج تعود عليها
و بسس هذا اللي بسوي و ان شاء الله اكمل عليه

التجربة من منتدى كويتيات

______________________________________________

سديم2011

*الغزال الطائر تعالو شوفوا وش سوالي

انا طايره من الوناسه*

اخيرا لقيت حل وب700ريال بس

بنات انا لي شهر وشوي شاريه جهاز الغزال الطائر

رحت لمحل رياضه وقلتله ابي جهاز يشد الفخذ

قالي مالك الا لق او لج ماجيك بس جدا متعب وغير عملي

طريقته دواسات وتفتحين رجولك وتسكرينه وله سرعات والله منب فاضيه افحج

وانا توي ماتزوجت قلت مابيه*

قالي وجهاز ثاني اللي هو الغزال الطائر*

وشفته وارتحت له قالي نص ساعه عليه يوميا اول يومين بس 10 دقايق

وبعدين نص ساعه

اول شيء سواه فخوذي اول كنه مرقه ترج رج والحمدلله قست واجد واتشدت

ونحفت بس عليه 5 كيلو

حتي عضودي اول يرجن بس مافيهن ترهل الحين قسن

واحس بلياقه وحتي المؤخره برزت ماقولكم مؤخره كيم لا

بس فيه شوي انصح كل البنات فيه

والله رهيب بدون رجيم لي شهر و12يوم والله انجاز هالجهاز

يرتب الجسم ويشد وينحف

ارفعوا الموضوع خلو البنات يستفيدون

المصدر منتديات بدانة كلينك

_______________________________________

* مـذهـلـه *

*++ لا كرش و لا زوايد جسمج بيكون منكان مع هالجهاز لا يطوفكم (تجربتي) ++




انا متعوده اني امشي احيانا بالممشى و احيانا على الجهاز بس هم المشي يتعب و ساعات مالي خلق اتملل ..
بس الجهاز اللي شريته واااااااااااااااااااااااا اااااااااو روعه روعه يا بنات و الله جنج راكبه لعبه يونس و ما يملل مثل المشي تطيرين بالهوا و انا ما اقعد احاتي عندي رياضه مالي خلق اسويها لا بالعكس انا اروح للجهاز و العب فيه و اندمج حيل معاه ما احس بالوقت بسرعه يمر يطوف ساعه و ساعه و نص و انا مو حاسه بنفسي ..




فوايده عجيبه يخلي الجسم منكان و مرسوم رسم و يضعف و يشد الارداف و الخواصر و الكرش و المعده و كل شي بجسمج و كل شي يتحرك بجسمج مع الجهاز ..

انا بعد الرجيم الحمدالله ضعفت بس دايما نطمح للافضل**بس جد هالجهاز روعه احس رسم جسمي و خلاه روعه و نسقه انصحكم فيه حيل حيل حلو باسبوع خلاني انزل كيلو و نص تقريبا من غير رجيم بس طبعا انا مانعه العشا ما اتعشى بس اتريق و اتغدى ..




الجهاز اسمه الغزال الطائر

و هذي صورته :


بس انا اللي عندي من غير العواميد اللي على اليمين و اليسار ..خذيته من محل قبال شارع البلاجات بس طبعا دقيت عليهم و اهما وصلولي الجهاز و ركبوه لي ..


*دعـواتـكـم ربـي يـفـرج هـمـي و يـريـح بـالـي*

المصدر منتديات كويتيات.

__________________________________________________ __________

تجرُبتك مع جهاز "الغزال الطـائر"

و بدووون ذكر اي جهاز اخر "رجاءاً" يعني لا وحدة تقول (زيه زي جهاز الـ...) او (والله جهاز الـ....افضل منه ) و من هذا القبيل نبي جهاز الغزال الطائر فقط بدون ذكر اي جهاز اخر للمجربـآااات: كم استمريتي عليه ؟ و متى لاحظتي النتيجة المبدئية؟ و ايش كانت مميزاته و عيوبه من وجهة نظرك؟ هل اهتميتي ب غذائك وقتها ولا كان نفس نظامك الغذائي المعتاد؟ اذكروا تجاربكم لنا و فالنا و فالكم شد الترهلات و البطن الممسوح و الزنود و المؤخرة و الفخوذ المشدودة 0

Bdoooooor2017 محررة ذهبية

ايه ماشفت جهازك الا توني وع بالي تقصدين الاوربت لان الناس يسمونه الغزال الطائر بس مانصحك فيه ابد خسارة فلوس ع الفاضي حتى وانتي عليه كانه لعبه بعكس الاوربت تسوين مجهود

Dreams : عضوة فعالة المشاركات: 753 تاريخ التسجيل: 05-08-2013

شريته قبل ٥ سنوات تقريبًا حتى اذكر كيف كنت متحمسة اول ما استخدمته حسيته لعبة من دون مبالغة ١٠ دقايق ربع ساعة ثلث نص ساعة ما احس بتعب نهائيًا، رغم اني اتدرج بسرعتي عليه وشفت كيف الناس تستخدمه وكان حقي مثل الصورة الي حاطتها، صناعتها موقوية رغم انه ثقيل وشريته من سوق كوم ب ٥٠٠ وشيء وأسبوع حتى ما استمريت، كنت كثير مهتمة بالنتيجة وخفت أضيع وقت على غير سنع وعلى طول تحول للعبة لاخواني والى يومك هذا ما افكر ارجع وأعيد التجربة

أماني فيصل
فريق الإدارة والمحتوى المشاركات: 8,865 تاريخ التسجيل: 18-02-2017

الغزال الطائر جهاز هوائي ويعتبر ضمن الأجهزة الممتعة وعالي في نسبة الحرق يحرق لك دهون الجسم ويرفع من لياقتك البدنية في حال استخدمتيه بطريقة صحيحة والأكيد مع نظام غذائي صحي متكامل. من ناحية يرتب الجسم ويشد الترهلات...لا هنا دور تمارين المقاومة. ودائمًا ينصح بالغزال الطائر للي أوزانهم فوق 80-85 كيلو أو عندهم إصابات في المفاصل وبالتحديد الركبتين بديلًا لجهاز الاوربتراك لأن المجهود معه قوي وحركة الجهاز ممكن تؤذي الركبتين. ونصيحة أخيرة/ قبل ما تشترين أي جهاز تأكدي من الجودة وأنه يناسب وزنك.

أميرة الجزيرة
عضوة فعالة المشاركات: 722 تاريخ التسجيل: 08-07-2017

مرحبًا .. هذا الجهاز اشتريته من سنتين أحلى جهاز استمريت عليه أكبر ميزة فيه أنه ممتع جدًا وسهل التنقل ومايحتاج كهرباء خصوصاً لو كنتي تتابعين برنامج هادف أو تستغلين الوقت بذكر الله تمر الساعة ماحسيتي لكن أول استخدام ماتتجاوزين ١٠ دقائق حتى تتعود رجلك لاحظت بعد شهر شد الجسم وتحسنت لياقة الجسم

المصدر، منتديات عالم حواء.

__________________________________________________ ______________

ohodmohandes

بما اني ركبتي ولله الحمد فيها خشونة ممنوعه من السير الكهربائي بتاتا .. المشي العادي في الهواء الطلق ممتاز جدا للمصابين بالخشونة على عكس السير الكهربائي .. والمعلومة دي أكد عليها دكتور عظام في مستشفى #tung_shin_hospital صارت لي حادثة سقوط خطيرة في كوالالمبور من السكوتر #smart_scooter ان شاءالله في بوست تاني اكتب عن مخاطره بالذات انه انتشر بشكل واسع بين الاولاد والبنات 🚷🚫
.
.
.
عودة لجهاز الغزال الطائر منتشر في كل مكان في ماليزيا جدا ممتاز لشد الجسم والبطن وعلى كلام واستشارة الطبيب آمن الركبة فاشتريته وجربته وحبيت انقل لكم تجربتي عنه :🍃
سعره ما يتجاوز ال ٥٠٠ 💰
خفيف وما يحتاج الى كهرباء🔌
سهل التخزين 🚪
الحركة فيه بخفة دون الضغط على الركب👟
ممتاز جدا لكبار السن لان المشي فيه كما ذكرت بدون ثني الركبة 👴
يشد ترهلات منطقة الأفخاذ والبطن والزنود👍
عموما يرتب الجسم وينحف 👗
ضروري ارتداء حذاء رياضي اصلي وانتو بكرامة حفاظ على سلامة القدمين 👞
اول يومين تستخدميه ١٠ دقائق ⌚️وبعدها يوميا نصف ساعه
اذا عندكم حديقة في البيت يكون جميل ماشاءالله في الهواء الطلق 🌳🌱🌿🌲
.
.
.

https://www.ins***ram.com/p/-cY2fhi9U4/

السلام عليكم ورحمة الله وبركاتة

جهاز الغزال الظائر كثير اسمع عنة
ودي اشترية ......ابي اضعف والله مليت من السمنة ......كرهة نفسي

بالذات ان سمنتي بعد ماولدت بنتي .........

اللى جربتة تقولي تجربتها وكم المدة اللى لاحضة فية الفرق




مرررررررا حلووووو الجهاز يشد المؤخره والبطن والارداف
انا انصحك تشتري مشد للبطن بس كم لكي والده ؟ واسألي طبيبك اذا عادي تحطي المشد
وسوي تمارين بطن وانقزي 100 مرا في كل وقت فاضيه فيه تزيل الكرش
وانتبهي من الدهووووون حاولي تتجنبيها واشربي مويه كتيييير واحسن تقطعي ليمونه كبيره وتحطيها مع المويه وخليها 10 دقايق بعدين اشربيها استمري عليها تنحفف.




منتديات المميزة

__________________________________________________ ______________________

هاي بنوتات اشلونكم ؟

ودي اسال منو فيكم مجربه جهاز الغزال الطائر او الممشى الهوائي ...اللي حطون له دعايه بالتلفزيون و الوسيط

لاني ودي اشتريه و كلمتهم قالت لي سعره 40 دينار و ينحت الجسم

بس ودي اشوف تجاربكم لان قبل وحده كلمتني قالت لي تكسر ..بس هي كانت من الاوزان الثقيله ...فانا قلت يمكن الجهاز ما يتحمل.




*رد: منو مجربه الغزال الطائر ........


نبض المشاعر



حبيبتي كان عندي وصج حلو بس اذا تبين جهاز انصحج باوربت تراك يهببببل مثل
الغزال الطائر بس احسن لانه تقدرين تقعدين وتقدرين وانتي واقفه والكل يمدحه وانا اشتريته صارلي سنه بس رهيييييييييييب وخذيته ب 39 على ما اعتقد وهذا رقمهم اذا تبينه 5713884




*رد: منو مجربه الغزال الطائر ........


خبيرة اعشاب*



ابشركم شريت الجهاز امس ..من شركه بحولي

سعره 39 دينار

جابه لي هندي و ركبه عندي بالبيت

استعماله سهل و حلو و فيه جهاز كمبيوتر يبين التوقيت و الكالوري اللي حرقتيهم

ممكن تتحكمين في قوة الجهاز يعني فيه درجات 1 و 2 و 3

استعملته مده 5 دقايق و عورتني فخودي ...بس اليوم تميت عليه ربع ساعه

خلال الاستعمال احس انه يحرك العضلات الاماميه للفخود و السيقان و منطقه الارداف بالاضافه لزنودج الي تتحرك بعد

بس صدج يونس استعماله و انصحكم فيه




المصدر، منتديات كويتيات

__________________________________________________ ________________________

شوفي هذا الجهاز مايتعب زي الاوربت بس بيشد عضلاتك لان قريبتي استخدمته وراحت الترهلات اللي بعضدها ) (الجهاز اللي مسميته الغزال الطائر مايتعب ابدا ومايحرق وماتقارنينه بالاوربتراك افضل بكثييييييير الاوربتراك ترسملك جسمك رسم صحيح متعبه لكن النتيجه واضحه

عالم حواء,

هذه كل التجارب اللي قدرت اجمعها من قوقل، واتمنى اي واحدة عندها تجربة مع الجهاز تذكرها عشان نستفيد اكثر.

تابع ايضا مواضيع ذات صله::

الكلمات الدلالية (Tags)
تخسيس، شد الجسم، تنحيف, رحيل


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع