من هو فارس احلام البنات

بنات كثير للاسف بتعيش علشان تتجوز،، امالها وطموحها اقابل فارس الاحلام واتجوزه، وبيكون كل تركيزها علشان تجذبه هو اهتمامها بمظهرها الخارجي وجمالها وبتقبل انها تكون مجرد فقط منظر جميل امام كل اللي يقابلها بدون ما تهتم بالجوهر وانها تبني وتطور في نفسها وتكون افضل دينيا وثقافيا ومهنيا بدون ما تهتم انها ازاي تعتمد على نفسها في تحقيق مستقبل افضل.
ولو فارس الاحلام اتاخر او مجاش بتقع في مستنقع عدم الثقة بالنفس واحساسها بان ملهاش قيمة وطبعا اللي بيزود عندها الاحساس دا اكتر ، بابا وماما وعمتو وخالتو اللي كل ما يشوفوها يقولولها عايزين نفرح بكي مع نظرات الالم والحسره في عيونهم لان سنها كبر !!
وكأن الحياة ومتعتها مينفعش تتعاش بدون فارس الاحلام!!
نقول لكل بنت تحرري من الافكار والمعتقدات اللي سجنتك، وسيبك من الناس وركزي على قيمتك في ذاتك وزي ما بتهتمي بالمظهر الخارجي اهتمي في تطوير نفسك وازاي كل يوم تكوني افضل ومعتمدة على نفسك اكتر سواء في تلبية احتياجاتك او ازاي تحققي سعادتك بنفسك .
انت انسانه جميلة قيمتك مش بتستمديها من فارس الاحلام، قيمتك بتستمديها من ذاتك واحترامها وتطويرها، وساعتها هتكوني اكثر جاذبية لرجال كثير على درجة من الوعي والنضج واللي عايزين يتجوزوا واحده تشاركهم طموحاتهم وتفكيرهم مش بس منظر جميل!
ولو اتاخر او مجاش انت اصلا سعيدة مع ذاتك مش نقصك حاجه، ولو محتاجه مساعده علشان تحسي انك قويه مش همك نظرة الناس لكِ بسبب تأخر سن زواجك راسليني على الخاص وهساعدك تتغيري من خلال تقنيات موثرة جدا وحديثة هتخاطب عقلك الباطن
​