ترانيم العشق
كبار الشخصيات
[frame="4 70"]نزف أقلام منارة سوريا[/frame]
[frame="4 70"]
"يا بنت من شعبي.."
يا بنتْ يَلِِلي طالعةْ ف هالبَرْد
بَكِيرْ,
والدنيا عم تشتِيْ
شو صار يَ بْنَيْتِيْ
حتَى زْرارْ الوَرْدْ
عم تِرتِجفْ هَلْقَدْ؟
شو صار..
حتَىْ عْيونِكْ الحِلْوينْ
بالحُزْنْ طَفْحانينْ
وْحَبَاتْ لولو مْفَرْفَطَةْ عَالخَدْ؟
شو صار حتَى تْمَرْمَغِ المَرْيولْ
هَالأَزْرَقْ المَبلولْ
وِانْقَطْعَتِ الشَنْتي؟
يِمْكِنْ تْزَحْلَقْتِيْ
..دَسْتورْ..
في هَالطِينْ
منْ كتر ما كِنْتيْ
عم تركضي..
والمَدرَسيْ بْعيديْ؟
لو كانْ في ايديْ
أعْمِلْ جناحْ وطِيرْ
تا وَصْلِكْ بَكِيرْ
تا مَسِحْ الدَمْعَا عن جْفونِكْ
الله معِكْ يا شاطْرَةْ
يْصونِكْ..
لكِنْ..
..يَ حَسْرَةْ..
ساعديْ مَغْلولْ
وِقْيودْ في رِجْلَيْ
وِبْشَكِلْ مِشْ مَعْقولْ
عِينيْ عم تْناضِلْ
حَتَىْ تْبوسْ الضَيْ
هَالمِنْعِكِسْ من دَمْعِكْ الهاطِلْ
زَيْ الجواهرْ عا صَدِرْ مَرْمَرْ
سِنْتينْ أوْ أَكْثَرْ..
تَحْتِ الأرِضْ مَحْبوسْ
في العِتْميْ
والشَمْسْ ما مَرَتْ على جْبينيْ
وْرَغْمِ الضَرِبْ والجوعْ والنَقْميْ
ما دَمَعَتْ عينيْ
لَكِنْ
..دْمُوعِكْ فَتَحَتْليْ جْروحْ
فَكَرْتْها انْدَمْلَتْ
وْخَلَتْ عْيونيْ تْبوحْ
بِسْرارْ,
وِبْقِصِةْ عَذابْ كْبيرْ
بَعْدْ ما اكْتَمْلَتْ !
لَمَنْ عَليكيْ
..يا بَعِدْ قَلْبيْ..
بِكْيِتْ عْيونيْ دْموعْ
ما كُنْتْ اِلاْ من قَلْبْ مَوْجوعْ
بَبْكيْ علىْ شَعْبيْ
شَعْبيْ اللِيْ شافْ الويلْ
في الغُرْبيْ !!
[/frame]
[frame="4 70"]
"يا بنت من شعبي.."
يا بنتْ يَلِِلي طالعةْ ف هالبَرْد
بَكِيرْ,
والدنيا عم تشتِيْ
شو صار يَ بْنَيْتِيْ
حتَى زْرارْ الوَرْدْ
عم تِرتِجفْ هَلْقَدْ؟
شو صار..
حتَىْ عْيونِكْ الحِلْوينْ
بالحُزْنْ طَفْحانينْ
وْحَبَاتْ لولو مْفَرْفَطَةْ عَالخَدْ؟
شو صار حتَى تْمَرْمَغِ المَرْيولْ
هَالأَزْرَقْ المَبلولْ
وِانْقَطْعَتِ الشَنْتي؟
يِمْكِنْ تْزَحْلَقْتِيْ
..دَسْتورْ..
في هَالطِينْ
منْ كتر ما كِنْتيْ
عم تركضي..
والمَدرَسيْ بْعيديْ؟
لو كانْ في ايديْ
أعْمِلْ جناحْ وطِيرْ
تا وَصْلِكْ بَكِيرْ
تا مَسِحْ الدَمْعَا عن جْفونِكْ
الله معِكْ يا شاطْرَةْ
يْصونِكْ..
لكِنْ..
..يَ حَسْرَةْ..
ساعديْ مَغْلولْ
وِقْيودْ في رِجْلَيْ
وِبْشَكِلْ مِشْ مَعْقولْ
عِينيْ عم تْناضِلْ
حَتَىْ تْبوسْ الضَيْ
هَالمِنْعِكِسْ من دَمْعِكْ الهاطِلْ
زَيْ الجواهرْ عا صَدِرْ مَرْمَرْ
سِنْتينْ أوْ أَكْثَرْ..
تَحْتِ الأرِضْ مَحْبوسْ
في العِتْميْ
والشَمْسْ ما مَرَتْ على جْبينيْ
وْرَغْمِ الضَرِبْ والجوعْ والنَقْميْ
ما دَمَعَتْ عينيْ
لَكِنْ
..دْمُوعِكْ فَتَحَتْليْ جْروحْ
فَكَرْتْها انْدَمْلَتْ
وْخَلَتْ عْيونيْ تْبوحْ
بِسْرارْ,
وِبْقِصِةْ عَذابْ كْبيرْ
بَعْدْ ما اكْتَمْلَتْ !
لَمَنْ عَليكيْ
..يا بَعِدْ قَلْبيْ..
بِكْيِتْ عْيونيْ دْموعْ
ما كُنْتْ اِلاْ من قَلْبْ مَوْجوعْ
بَبْكيْ علىْ شَعْبيْ
شَعْبيْ اللِيْ شافْ الويلْ
في الغُرْبيْ !!
[/frame]
