صباح الخير ياوطني متجدد((بقلمي))

[روووح الحب]

...........................................,,,,,,, ,,,,,,,,,,,,,,,,,,,,,,,,,,,,,,,,,................. ...................,,,,,,,,,,,,,,,,,,,,,,,,,,,,,,, ,,

[آنفآس آلمطر]

صبآحْ آلخير يآشآمْ

يالله شو طالع ع بآلي
روح وبوس ترابك وعربش ع الدوآلي
الي كانت ببيت ستي تمرجحني بـ العالي
يالله شو بحبك ياشآم ويالله وبحضنك شو حابة ناام
ياشآم

[آنفآس آلمطر]

تميم سمحلي ثبت الصبحية
وكل يوم بدي اجي صبح ع الشام

[ترانيم العشق]

ج ـمـيل أن نصبح على الوطن الغالي
وان ننثر من حبر أقلامنا
ومشاعرنا على ثراه الغالي
مشاعر رقيقة تملكها تميم
وكلمات سطرت بماء الذهب
يسعد صباحك يا أخي الغالي
كل الود

[ملكة زماني]

ياشام صباحك فل و ياسمين شامي
وعصافير بتغرد ع شباكي
ونسمات باردة مرئت ع خدودي ولاعبت شعراتي
صباحك نكهتو بيضا فيروزية مع ئهوة انسكبت بفنجاني
وبئول لرفئاتي صباحكن حلو لما بتتواجد ملكة زماني
يسعد صباحك تميم كل يوم وبكل الاوقاتِ

[اميرة بجمالي]

يصبحك بالخير يا غالي
ويصبحك بالخير يا شامي
ويسعد اوئتك روح الحب
ع حكياتك متل احلى حكاوي

[آنفآس آلمطر]

ياشام

ربي يمسيكي برضاه انتِي الحب وانتِي الجنة


انتِ الي ئلوبنا بترئص وبتغني

لمساكِي الغالي الرايئ ولشعبك الف جورية والف ووردةِ

ياااااشام

[روووح الحب]

ياشامي
صباحي سكر وياسمين عالي
أعترفت بسر حبي الغالي
ماكان فيي ولا كان فيها نبئى نكتم ونداري
حكيت للبشر عن عيونها وهديتها من الأغاني
من أول لمسة لأخر همسة من هوانا الشمالي
لا خوف ولا سر ولا بعد بعاني
ولو شي يوم مرت حبيتبي من صباحك يا شامي
خبريها أني ناطرها على مفرء حبي
خبرها أني عمغني وعملالي
تعالي يا نجمة الصبح تعالي

[روحs]

باح الرياحين
والنرجس والياسمين
صباح السلام والأمان
صباح الحكمة والإيمان
صباح الحب والحنان
لاحلى وطن
لبلدي اليمن
آدام الله
وحدتك وسلامك
أحبك يايمن
..

[روووح الحب]

تميم سمحلي ثبت الصبحية
وكل يوم بدي اجي صبح ع الشام
الشام زعلت منك يا نور
وينك ماعاد صبحتي عليها
كتير زعلانة راضيها يلا

[آنفآس آلمطر]

لما الشمس بتشرئ من الغرب بزعل الشام

لما الئمر يبطل يضوي ع الئلب وع الروح بزعل الشام

لما البحر يبطل يضرب الشط بموجاتو بزعل الشام

ولما نور ماعاد تدخل المنارة اكيد اكيد بتزعل الشام

ياشام ربي يصبحك بالخير ويسعد كل اهلك وناسك
مو بايدي بعدت عنك يومين لكن بروحي وبئلبي حبك ياشام

[روووح الحب]

لما الشمس بتشرئ من الغرب بزعل الشام


لما الئمر يبطل يضوي ع الئلب وع الروح بزعل الشام

لما البحر يبطل يضرب الشط بموجاتو بزعل الشام

ولما نور ماعاد تدخل المنارة اكيد اكيد بتزعل الشام

ياشام ربي يصبحك بالخير ويسعد كل اهلك وناسك
مو بايدي بعدت عنك يومين لكن بروحي وبئلبي حبك ياشام

الشام بعتتني رسولا تاوصلك سلام
علي صوتك يانور تا تحبك كمان
الشام شام عزنا غنتها طيور الحمام
يومين غبتي وبئيتي بئلب الشام
خبرتني تا خبرك أوعك تغيبي عنها بصباح
وبمسا كمان طلي عصفورة كناري
غنيلا وخليها ترئص مع النسمات

بــحــبــك يااا شااااام

[روووح الحب]

بكل أحترام بدي شوية عنب من غير غضب

يا عمري أنتي هاتي من أغصان الشجر

شوية توت محلى بالمطر

ضلي زيدي مطر تا مايضل حطب

من يوم ما نظري من شوفتك هرب

ع الغربة المرة ما شفت غير التعب

طيب أنا مشتاء هلئ شو بدي بكتر العتب

يلا هاتي عطيني سكر ومي

وخليني أتولدن بحورايكي شوي

ألعب طميمة وبيت بيوت

من غير ما تئلي أمي يلا ع البيت فوت

وتخلي بنت الجيران تغمزلي بلغة العيون

روح بسرعة وتعال ناطرتك تحت شجرة الزيزفون

نكتب أسامينا ويشهد عليا هالقمر

ونلونها بأحلا وراق الشجر

يا الله شو مشتاء يا ليالي السهر

مشتاء نام وما أصحى إلا ع أصوات السحر

يا نايم وحد الدايم ئوموا على سحوركون

وأصحى تا أعرف أني كنت بمنام وماخبر حدن

[روووح الحب]

يا شام يا أمي ويا أغلى مكان

فيه أنا عشت وبعيونك طيرت الحمام

بزكر حكيات ستي ع غفوة المسويات

والصبية الي غنتلي من صوتها غارت الحوريات

بعدك على بالي ياأمي شو مشتاء

لهاك الغنيات والتنهيدات

ناديها خبريها يا شام تجيني بكل الحالات

انا مشتاء لصوتها وكلي فيها ولهان

[روووح الحب]

شام يا شام هادا انا صبيك الشئيان

متغرب ومحروم من شوفة الخلان

إزا كان ئصدي ملامة وكترة أشجان

خليني ورى ورئاتك خليني بهمومي سكران

بس أنا والله بشوئي مليان

وماني غير وصالك بالهم عتلان

حبيني وخديني لعندك يا شام

[آنفآس آلمطر]

مابدي لا زهور وفلْ
ومابدي من ديارك فِلْ
بدي على خدودك طلْ
وئلك يسعد صبآحك ياشام
انتِ يآ ام الكلْ

[روووح الحب]

شام بدي أشكيلك بنت بعشئها وانا غافي

وأوئات بلا شعور بمشي وانا حافي

ويمكن من كتر التفكير يصير التفكير مافي

و بصير صبي غير عادي

بتجاوز بخيالها خيالي

لك مجنون أنا ولا معاني

من فايروس العشقان بالليالي

مابدي طيب من حبها مابدي

ولابدي ضل غير محبوبها الغالي

[روووح الحب]

يصبحك بالخير يا أمي ويا شام

غفيني ع صدرك تا أعشئ الأحلام

نام وأمشي وما بشوف غير الغرام

مو أميرك أنا وأنتي مملكتي بالحنان

مابصيد من غاباتك لا غزلان ولا حمام

بخليون يمروا من حناني ويغنولي سلام

وبرد عليون التحية يا مية مرحبا

ويا سحر الكلااااام

[روحs]

صبــاح من روحي لروحك
صبــباح من قلبي لقلبك
صباح اضناه الحنين
صباح ارهقه الأنين
صباح شوق يصارعه الكبرياء
صباح يضم يديك إلي صدري
صباح أنت فيه متوج بنبض الروح
صباح الأمل يا نبضي
..
أغرك مني أن حبك قاتلي
وأنك مهما تأمر القلب يفعلٌ

[روحs]

صبــاح من روحي لروحك
صبــباح من قلبي لقلبك
صباح اضناه الحنين
صباح ارهقه الأنين
صباح شوق يصارعه الكبرياء
صباح يضم يديك إلي صدري
صباح أنت فيه متوج بنبض الروح
صباح الأمل يا نبضي
..
أغرك مني أن حبك قاتلي
وأنك مهما تأمر القلب يفعلٌ

[روووح الحب]

أنا كنت مارء بالشارع كنت ماشي فرحان
ئلت خليني طلع بالسما وألمح هالقمر الخجلان
وياريتني خليت عيني تشوف الرمل
ولا رفعت راسي تاشوف القمر حزنان
ولي زاد عليي من القهر كمان
أشارة من نجمة الصبح بطلت تحب هالشاعر العشئان
ولك ليش مو أنا الــ بئطفلك زهر ورمان
ردت عليي بصوت يا دلي شو حزنان
ئالتلي روح شوف كيف زعلانة منك الشام
إلك يومين ما صبحت ولا حكيتها حكي الغزلان
يا ويلي أنا لا تزعلي مني يا شام
لك بموت أنا وبحبك وبعطيكي ئلبي بالحنان
بس ما تزعلي يا هبة الله يا أغلى من كل إنسان
رح تم صبح ومسي عليكي يا وطني
وإنتي بس الي بتعرفي المعنى من هالأسم الرنان
وبحبك يا وطني بحبك يا شام

[NOURALDEAN]

حبيت مس معكم
لأحلى سوريا سكن شعب
أحبا السلام وزداد بالنصر
وهتف قائل حماك الله ياأسد
فداك الروح والجسد
تحية محب قد تملكه حب
الوطن والبلاد والشعوب والأرض
مساء الخير يا عرب ٌ
مساء الخير يا وطن
مشكور خي تيم
شي جميل الواحد يصبح ويمسي على بلاده

[روووح الحب]

يصبحك بالخير ياشام
عزريني مش ئادر أحكيكي

ولا ئادر علئ ع أغصانك غزل

يمكن لو طلعتي بالنجوم

حتلائي كتير بس واحد ما بيحوم

ساكت باين عليه التعب
يا شام بتمنى لائي العزر

[آنفآس آلمطر]

صبحك بالخير ياشامي
ياحنونة يا ضوء بيلالي ع كياني
الئمر تعبان اليوم والشمس غافية
مابدا تضهر
مافي اعزار ومافي مهرب من حبك يااشامي
يااااااا كل اهلي وياكل ماالي
بحبك ياشام يسعد صباحك

[روووح الحب]

جيت أنا أجيت يا شاااام
أنطريني أنا بدي شعلك العشرة شمع وأسهر وما نام
دخيل ربك شو بحب منك
نسماتك وطلاتك والنجمات بالسما
حكيولي حكايات
تعي لئلبي تعي غطيني يا شام
يسعد مساكي وربي يديمك يا وطني يا عز الأوطان

[روووح الحب]

جاي خبرك سر ئبل ما نام
ما خبرتو إلا لعصفورتي إلــ عمبتنئور
من ع بكرى ع شباك ئلبي أحزان
يا شام أنا مشتاء وجاي لعندك بكرى
أو بعدو او بعدو بس أكيد إلي بعدو بحضنك رح نام
بحبك يا شام إنطريني أنا لعندك جــااااي

[أمير الشعراء]

والله زعلت حمص منك يا تميم >> مافي حدا متلك يصبح عليها ..

كلمات .. مغناة بدون لحن .. رقيقة .. يطفو على سطحها نغم الفراق ..

وبعدُ المسافة .. والاشتياق .. لكل شيء حتى الهوااء .

لقد سعدت بمروري هنا .. لك الشكرُ سيدي الكريم >> كنت هنا

[روووح الحب]

يا شام أنا زعلان
والله أنا كتير هم حملان
شو بدي اعمل يعني شو بسوي حتى صير فنان
بغمض عيوني وبسكر أدنيي وبمشي بصيح شربوني عطشان
بدي أشحد الحب وغني من حب الله أعطوا هالغلبان

[روووح الحب]

هيك بلمحه الحكي صار
مانك مئدر ولا فهمان الأسرار
وما بتعرف كيف تتعامل مع الأخبار
أه ياما حكيو حكاوي عنك
وسمعت بلاوي إنك زير ومختار
أنا؟؟؟
دخلك دخلك تعي سمعي هالحكي يا شام
شو كان بدي بوجع الئلب وكتيرة الأحزان
إن ماعرفت انا كون إلا كنار
بغني والكل من حوالي تغنى بالأشعار
شو زنبي أنا شو زنبوا هالعصفور المحتار

[روووح الحب]

صباح الخير يا أجمل لحن بغني
على نايات ئلبي وعطر برشو بيمرء من بواب عيني
حاضر يا ئلبي يا ئطعة من نبضي
مشتاء للياسمين والتوت الشامي والحكواتي
وئهوة أمي وضحكت بنت جيراني
شو كان بدي بالغربة شو كان بدي بلي أنا فيه
عمتتسلى بهمي وعلي الهم بتزيد
حاضر يا شام أنا راجع والله راجع
شو بحبك يا شام

[روووح الحب]

>>>>>>>>>>>>>>>>>>

[❀✿يَآسْمِينْ آلْشآمْ✿❀]

قالو جميله قلت لهم:شآآم
قالو حسنآآء قلت لهم:شآآم
قالو قويه قلت لهم :شآآم
قالو من هي شآآم؟؟
قلت هي امي
بحبك يا شاآآآآآآآآآآآآآآآآآآآآآآأم

[روووح الحب]

يمسيكي بالخير يا شامي
يا ئطعة من ئلبي وطهر ترابي
لسا بعدك مني زعلانه
أنا طولت عنك غيابي
وزادت فيي أحزاني
تبعتيلي نسمة هوى ولا بموت حالي
شو بعمل أنا مجنون ومضيع عنواني

[روووح الحب]

سِوى هالئلب يا شام ما عنا
حرام يضل ع فرائها معنى
ئلب حيران وفكر سرحان
هالي غربة حوالي
ووحلفت يمين تصبح عليكي
وتناديكي بكل الليالي
لائت وطن غير وطنا
وئطعت بئيدها من الحب حبلنا
يا شام إيه يا شام
أنا يلي غزي النجمات وأحتلا
ومن ريشتي عمرت فضى وبلدان
وحطيت بئلبي ألف وأكتر محلها
بركي من الزهئ بيجرها الشيطان
تنزل على ئلبي وتتسلى
والله تا ما خليها تطلع ع بالي
وئلها رجعي رجعي لعند هالحكواتي
عنا قلوب الحب كبيرة
ودمعتنا أنا والشام للقسوة مو مشتائه

[روووح الحب]

وك بئلبي بئول وبلساني بئول
وبحلف يمين شفتك هون من شوي ياشام
بحبك يا شاااااام
تحية مني ومن الشام لفيروز

سئلوني الناس عنك يا حبيبي
كتبوا المكاتيب وأخدها الهوى
بيعز علي أكتب يا حبيبي
لأول مرة ما منكون سووووى
سئلوني الناس عنك سئلوني
ئلتلون راجعا ئوعا تلوموني
غمضت عيوني خوفي للناس
يشوفيك مخبى بعيوني
وهب الهوى وماكان الهوى
ولأول مرة ما منكون سوى
سئلوني الناس عنك يا وطني

[روووح الحب]

والله زعلت حمص منك يا تميم >> مافي حدا متلك يصبح عليها ..


كلمات .. مغناة بدون لحن .. رقيقة .. يطفو على سطحها نغم الفراق ..

وبعدُ المسافة .. والاشتياق .. لكل شيء حتى الهوااء .


لقد سعدت بمروري هنا .. لك الشكرُ سيدي الكريم >> كنت هنا


يا هلا بيك يا هلا بنوركون
يا شعشع النور بحمص محبتكوووون
يا أرض الشام إلــ زينتها حروفكون
ضوى الحرف فيها وطير اليمام
من شامنا وصل سلام لحمص كم
لأرض أبن الوليد فيها خضاركون
أوعى تزعلي حمص إنتي بالقلب
والشام ما بتنسى حبكون

[روووح الحب]

نزلت حرامي ع هالحكي
عين شاعر غيران شاف غزل
فيكي يا شام بعسل الكلام
هالي خلدت حروفك يا شام
نزلت ع حروفها وئلت والله نا أنئلها
من عند المطر ع أرض الوطن حروفها تحتلا
رجعي ضحكي وغني يا شام
هي حبيبتك غنتلك وأنا رسول كلمتها
,,,,,,,,,,,,,,,,,,,,,,,,,
دخلك ردي البرداية وحياتك يانور العين
الشمس علينا جايية مافينا نحمول شمسين
مابدي لاشمس ولا بدي دفا

بدي تشتي الدني ع شباكي
واسمع صوت المطر وشم ريحتك يابلادي
وانتي ع بتغسلي روحك وتنشري شعرك
ع نهر بردى والعاصي
بحبك يا شاام وانتي مترنخة
ودايبة ارضك بمياه الرحمن
بحبك ياشام لما تشتي الدني عليكي
بس بحياتك ياشام ديري بالك ع الحبايب
مايغرئو بدموع المطر وخلي انفاس المطر تنعش روحك
وتغسل تعبك ياشام

بقلم الكاتبة ((أنفاس المطر))
من موضوع دخلك ردي البرداية

[روووح الحب]

يصبحك بالخير يا شامي
أنا ماشي بوصيكي بحبيتبي
رح عمرلا ع النجمة بيت
وأندرها بشعرري مع كل بيت
ليكي أحساسي هيك
من الله مجنون بيموت
ع صوت همسها
وحياة عيونك يا شام
ما تزعليها وماتخلي عيونها
غير بالفرحة تغمرها بخدودها
أنا رح أبئى حارس ع حدودها
من بعيد رح طل ورح زورها
يا شام أملي فيكي كبير
تخليها عصفورة بالسما تطير
ماتنسي إنها ردتلك البرداية

وبعتتلك كتير رسايلها بالمطر دفيانة
على ئد الحزن إلـ بئلبي
رح تم طفلك إلــ بيحبك
أيامي معك يا شام صارت ساعات
هيي رح تبئى بئلبك تشع متل النجمات
ماتشيلي من بالك وصيتي
هي حبيتبي مكانها بئلبي
رسمتها مشواري بغربتي
ورح خليكها بحدك مكانها بئلبي
بحبك أنتي وهيي يا شام

[روووح الحب]

ع الساعه تنين ئطفتلك وردة من العين
تا صبح عليكي بالياسمين إلــ بالمنارة
وما بنسى أتمشى العصر بحاراتك
وأشرب من النبع مياتك
بشوف الشب والصبية والختياره
بيتغزلوا بياسمينك الجوري لبسوه بئيديون إسواره
وعصفورة بتزئزء ع الشبابيك
بدها من الصبيه سكرة تحلي فيها منئارا
والختياره بئيدها الصوف بتغزل بهالسنارة
وبتغني يا محلى الفسحة يا عيني على موج البحر
والئمر غنى عيني يا عيني على مو على موج البحر

[روووح الحب]

صباح الخير من الشام يا شام
أنا بحضنك نايم ودفيان
والطفل داير بالحواري شئيان
بيدور بعيون الناس وين الزهر
وين السهر وين الطر الحر إلي طار
هلئ أنا راجع غنيلك كل يوم ئبل ما نام
ومن لما أصحى بعزفلك ع وتر الحنان

[روووح الحب]

اليوم كلو عيد والعيد فيكي بيزيد
دخيل ترابك يا شام ...
يا الله شو مزروع حبك بالوريد

صبايا حاملين سلات الياسمين

بيرشو ع رجالك وبيهتفوا منحبك ياشاااام

[روحs]

صباح الخير يا وطناً يسير بمجده العالي إلى الأعلى

ويا أرضاً عشقنا رملها والسفح والشطآن والسهل

صباح الخير يا من في كتاب الله ذكرك آية تتلى

وأنت الخير .. يا بلدي .. يابلدي

ترابك طهر من صلى وماؤك من دمي اغلى

وحبك هدي من ضل .. حماك الخالق المولى

على منديلك الأخضر سكبت عواطفي عطراً

وفوق جبينك الأسمر رأيت المجد والفخر ..

وفيك بحبنا الأكبر أذوب بلوعة حرى

ترابك طهر من صلى وماؤك من دمي أغلى

وحبك هدي من ضل .. حماك الخالق المولى...

[آنفآس آلمطر]

من وين بدي ابدى ياشام؟
وكيف بدي صبحْ عليكي ؟
اشتئتلك ..
مجروحة انتي !
تعبانة يا أمي ؟
لاتهتمي ولاتعتلي همْ
بئلبي انتي وبئلب كل وفيِّ
حبيت طل عليكي
بحبك يااااااااااااااشام

[روووح الحب]

نيالوا إلي بيفرد اياموا

ع بساط النسيان تا ينام

طب يا شام

وإلي هموا من حزنك خلئنان؟

كيف بدو يئدر ينام ؟

وبكل زاوية منك صار في سجان

وحراس ما بتحرسك بس بتدبحك

بولادك بترابك بسماكي

وأنا رصاصة بتجيني لأني

كتبت بحبك يا شام

بيهددوني خليك بحالك

أحسن ما نئصف عمرك

وأنا والله ما بيهمني يا حبيتبي

خليون يقتلوني تا يحيوني

ويروي دمي ترابك الغالي

وكون انا وقلمي الحر فداكي

[آنفآس آلمطر]

دخيل ترابك يااااا هميِّ
ياااااتعبي يااااحزني ياا آلمي
بحبك مش بالكلام وبحبك مش بالبكي
وبحبك مش متل اي انسآن
بحبك بغربتي ياغربتي ..
بحبك متل الشمعة المكتوب عليا
تنطفى ئبل ماتشعل
بحبك يااا شامي بحبك ....
مابعرف شو بدي ئلك ...
خلي الي بئلبي لئلبك بئلبي ...ياااائلبي

ويسعد صباحك وجمعتك مباركة ياااشام

[روووح الحب]

ليش كل ما ئربنا بعدنا

وكل ما حكينا الهوى فرئنا

أنا ما بدي منك

إلا شم من شعرك عطرك

وهدهد بئيدي ع كتفك

وغنيلك يا الله شو شتئتلك

وحتعطيني شوي من وئتك

تا كملك ئديش كمان بحبك

والشوء فيني نادا تعالي

نتزكر هاك الليالي

نتمرجح ع صفصافة ئلبي

وئلبك يغنيلي تعا لعندي

تعا إشتئتلك يا حبيبي تخبى بعيوني

وما تخلي حدا يسرئك من رموشي

[روووح الحب]

حطيني فوق خدودك وإنسيني

غطيني بالغوطة ودفيني

وخلي قاسيون لفوق يعليني

وإن عطشت من بردى سئيني

بس لا تخليني يا حنيني أمشي

مني عارف أيامي هي ولا سنيني

بحبك يا شاااام يا أغلى من عيوني

[آنفآس آلمطر]

اليوم بدي مسيكي بالخير ياااشام
وبدي ئلك هانت ياحبيبتي
والحقائق عـ بتنكشف والاسرار عـ بتبين
استحملي ياست الحناين ئربت ساعة الخلاص

[روحs]

[Link nur für registrierte Benutzer sichtbar]

صباح وطني كله جروح
صباح القلب فيه
لايحتمل أن يراك تئن فيه ياوطني
صباح
فيه لسان وقلب يلهج بذكر الله
فليحميك الله ياوطني الحبيب

[روووح الحب]

يا أحلى بسمة بعمري

ويا شعر رسمو شعري

هدوء ونحنا دايبين بالهوى

يا أجمل ما خلئ ربي

من عين الشمس ومدينة الحب

بسرئلك ئلبي وتاج الحب

وبخليكي نجمة عمري

أيـــــه يا شاااااام

[روووح الحب]

إلا الشام ما بيهزها ريح ورعد

هيهات مين ينزل منها العلم

أرواحنا إلها هي التمن

ع الشام منكتب بالدم

سوريا كلمة شرف

والشام كل الشرف

سوريا هي الأم

سوريا هي الأم

[زهرة البيلسان]

نصبوا لجراحكِ ألف مئذنةٍ

ونادوا لغدك مكحلاً بشموخ العز

تعلمناكِ في المدارس لغةٍ رقيقة

وفي كتب التاريخ أنك أمُ لكل يتيم

وبلسم لكل عليل ووطن لمن لاوطن لهُ

فكنتِ كفتاة حسناء تزداد كل يومٍ جمالاً بعيني عاشقها

وحبنا لكِ بلغ عنان السماء فلكِ المجدُ ومنكِ







شام المجد أقبل إضافتي

زهرة البيلسان

[روووح الحب]

مين قال الصقر بيهمو غربان

ولا مين بيسدء النسر

بينام بيوم وقلبو عطشان

أي حاج تركع للأوثان

ئاعد برى الئفص والخوف

هد فيك كل الأركان

عاملي حالو متل طير الحمام

بينشر حب وبينادي للسلام

وهاد رَجُلْ أو نص رِجلْ

كرسي بتنكسر بأول منام

أي روح يا بني غني

وخليك مع جيشك من البنات

حركة الوطنية ما بتلبئلك

ولا ألك فيها جبل ولا وديان

خليك بنار الحرام تاكل

تا تاكلك وما تخلي منك

إلا الأوهاااااام...

[روحs]

قالوا لي اليوم لديك عيد ..
قلت وأي عيد..
قالوا يوم الوحدة المجيد..
قلت وهل تذكر الأم بالوليد..
هذه بلادي أيها البليد..
حبيبتي هي اليمن السعيد..
لو خيروني بينها وبين الألماس بأوزان الحديد..
لا خترت اليمن وقلت نعم الحصيد
.

[روووح الحب]

يا وطني صباحك فجر ئلبي

ببكي لما بشوفك ع حفة قاسيون بتشكي

وين ولادي وين حبابي تركوني؟

راحوا لعند الله يا وطني

شهداء بصوتون هز الدنيا

بصدورن إلــ مافي أحن منها

آآآه يا وطني وآآآه وكم آه

بكل لحظة بتجرح العين

بالبكي

[روووح الحب]

وشوشة يا شام هاتي دانك

تا خبرك شو الي صاير

وئفة ع حفة قاسيون

تا شوفها مضواي كل العيون

نطرت كتير سمعت نجمة

الليل بتهمس لنجمة الصبح

كم واحد صاروا كتار ولا....

سمعت في ولاد صغار راحوا

مشوارون مع الملايكة ليناموا

[روووح الحب]

لا تروح وتخلي بئلبي جروح


تتركني بتملومني بعدك الروح

بكرى تعال شوف بعيوني

إن غيابك دمر فيي إحساسي

شوف الدمع بعيوني شو سخي وئاسي

خليك بحضني بغنيلك هاك الأغاني

بمرجحك على ياسميني الشامي

بخطفلك من بردى ......

حورية تشيلك وانتْ غافي

لا ما تروح يا بعد هالروح


خليك بئلبي غافي ولو كنت ئاسي

[روووح الحب]

موجوعة وكل يوم لازم

إنجرررررح....

كل لحظة لكن بيفرحني

إن ولدي جوا عيني

بينغرس.....

بيغطيني بدمو وبدوامة

صدري بينشرح....

[صفا الروح]

صباح الخير يا بلادي..
صباح معطر بريحة الهيل والزعتر
صباح الشوق للزيتون
دوا المدللة نجمات عنقودسكر
صبااااااح الخير يا بلادي
صباح الخير لكل قطرة تنزل لتخلي الحلم يكبر
صباح الحنة بأيدن الصبايا مغلفة تسهر
صباح الخير صباح الشوق يا بلادي

[روووح الحب]

جرحوكي يا أم الحضارة

مشوكي بدروب كلها مرارة

ئتلوكي هدوكي عزبوكي

و, ولادك من عيونك حرموكي

وشباح طارت مسطولة

ع حبر كلاب مسعورة

كلب اسود وكلب أبيض

أبيض بس من برى

ومن جوى يعلم الله

شو مخبى إنسان ولا....

أيه يعلم الله شو مخبى

[روووح الحب]

أنا سوري والراية دمي

منرفع مع الملايين

قاسيون عالي من الأيمان

ومنرفض زلنا ........

الله هو خلئنا

ومحمد علمنا نرئف وما نقتل اخونا

((ماتت قلوب الناس ..ماتت فينا النخوة))

[روووح الحب]

صبح ولا مسا ؟

ولا شكاوي منهمسا؟

ولا حروب منلمسا؟

ولا ولا ولا شو بدنا بها الهوى

لا الطير بيطير ....

تا النجمة يبوِسَّا...

ولا شمس ع خدها شامة بتعجِبا

ولا سوريا موت ولادها بيضحكها

ما بيضحكا بس بيعزبا بيدبحا

آآآه شو ئاسية لحظة العزاب بلحظِتا

[روووح الحب]

أرفع راسك أنتا سوري

هز الأرض بعزك

لا مس النجوم بشموخك

أزرعها بأرضك ...

وئلا يا نجوم ثوري

ويا عيون العالم شوفي

شرف الطهارة بعيون السوري

ليكها عيون صلاح الدين

بتهف من ثورة حطين

الله ما أحلا شهدائنا

واحدهم كالنار متقدا

أبطال شرف ما تمنت غيركم

سوريـــــا

[روووح الحب]

يسعد مساكي يا شامي

يا ياسمين بئلب النسمة

كنت حلفت ما أضحك

ولا افرد عن وجي العتمة

بس غصب عني

سرئت مني بسمة

من ثانية للحظة وراحت

طارت مع الياسمين

إلي بئلب النسمة

بحبك يا شام يا اغلى

من روحي ودمي

[princess marwa]

جميل جدا وجدا فجدا ثم جدا
لا ادري ما ذا اقول في السبع صفحات غير
ماشاء الله وتبارك الله
بالتوفيق

[روووح الحب]

ممنونك أنا ....




علمتين شو يعني غرام




أيه كل الــ هون




ضاعوا بِحَّر الهوى




ورجعوا من غرب السما




أنا ماكنت بلائي كلام




ولا مطرة تمحي الأوهام




لو ما عطيتي ئلبي أنغام




من ئطرات الندى ...




مندونك أنا ...




ما بعرف طعم الحنان




شاعر مالو عنوان




نسمة ما فيها حدا ....




مندونك أنا سكبة حبر




ما عميحكيها القلم المبحر




ببحر القمر والشمس




بدونك ما بدوب انا




يا شااااااام




تحية حب إلى حبيبتي




((دمشق))

[روووح الحب]

ا أحلا صباحات ئضيتا معاكي

وأحلا نسيم عطرني هواكي

يا صباح الشام يلا ئوام تعالي

وهاتي معاكي من الغوطة غناني

ودعيني وعاهديني ما تنسيني

..................ولا أنا بنساكي

ولو غيابي طاول وطول

ئلبي عن حبك ما بيتبدل

رح بشتئلك يا ضو عيوني

حتى نعيش الحب الأول

وأحلا شئاوة ئضيتا معاكي

يلا تعالي ئوام تعالي

بوسيني من الوداع الأول

[روووح الحب]

أنا بمسي ع كل جريح


ع كل عصفور بيطل من السما


ليغني للمسا بتوب الحرير


أه يا عصفور كنت مشتئلك


من غير ما زورك وتزورني


والجرح العميق لعندك جابني


شو مناخد ولا شو منودي


للشام لتضحك شي شوية

[روووح الحب]

حكايات بطولة كبيرة

بتسمعها ناس كتيرة

شو هتفنا وشو غنينا

ع حبال الياسمين

ونرسم على جبينا

....زهور ملونين

ما ئدر يدبلها الشرر

ويومي سوا ئيدينا ع السما

بتخطف نجوم من عيون الملايين

[روووح الحب]

ليش الغروب أثبتلي

أن الدنيا لسا بخير

أنتَ غير الناس كلها

........... غير

المحروم من الدفا معذور

والله ما بعطيه من عيوني

........... نظرة

ريتك تعود للي بالحق حبوك

وين الورود وين البخور

يعطر المكان بريح الخير

[روووح الحب]

روح ما بدي كلامك

طول ما بدي ياك

بسكوتك بغرامك وهواك

شوف شو لبسوا أخواتك

بيوم عرسي لبسوا الغار

حملوا الزيتون وئاموا للتار

صعبة تشوفني عيونك

وأصعب تحس بالنار

لاهبة بعيون الصغار

روح ما بدي ياك


وصية الشام للي ما حسوا فيها

[روووح الحب]

دمك غالي يا غالي






وحئك عندي يا غالي






الوطن حبك ع خدو خدك





بترابو شمك وبعيونو ضمك





ودمك غالي يا غالي





وحئك عندي مو ناسي





إلــ كان ع الوطن ئاسي





وكيف كنا نحملك ونلالي





عاشت عاشت حرة بلادي





هلي هلي يا شمس بلادي





من خلف العتمة يلا تعالي





فرحانة هديانة ضحكانة

[اميرة النجمات]

صباح الخير ياشام
كل عام وانت بخير ياسورية
وان شاء الله ما بقى بيمر عليكي هيك عيد
تحياتي

[روووح الحب]

آه لو تعلمين




هُنا الجرحُ عنوانهُ أليم




كعودِ القشِ الهشيم




بلادي بلادُ الفاتحين




كالنجومُ البيضاء





توقدها أرواحُ الراحلين




لا شيء يستدعي بكاءنا




نحنُ أبناء ثورة الياسمين

شكراً لثورة الياسمين

[روووح الحب]

مهما الليل تم هم


لا بد يشرق نهار


أخوة عروبة نحنا


والغدر دابحنا


والطير بيتكلل بالغار


والحر بيزهر زهر ونوار


والليل من عتماتوا بينهار

[روووح الحب]

يا صوت عَّلي وأمسك


..............نجوم السما


هتلي المطر وسلم على


.............. شهدائنا


ئلون الديار بالحب


............عمرانة


باصواتنا بالعز بالفرح


.............. معمرة


وغيرها ما بيئبى مرفوع

.............. بالسما


وبحورها بالحرية تموج

والله الحب بيلبئلا

[اميرة النجمات]

اممممممممممممممممم
كل يوم احلى
شكرا لثورة الياسمين

[روووح الحب]

اممممممممممممممممم
كل يوم احلى
شكرا لثورة الياسمين

أشكر وجودك الدائم

حقً شكرا لثورة الياسمين

[روووح الحب]

هادا قسم والله




واحد وحد الشعوب




نبضك يا سوريا محلاه




نبض أحيا القلوب



ياسمين الحياه أنتي



بكتاب السما مكتوب



وحب الرجولة فيكي



.............. معهود



من حمص وحماة



وكل أنحاء بلادي



من الشام ودرعا



ومن ضفاف الوادي



وأدلب الخضرة



والساحل الدافي



وحدة كلمتنا



وهي سر بطولتنا



حرة أبية يا سورية

[شموخ رجل]

مساءُ الخيرِ يا وطني
قد سيرتَ في بحر المآسي أعظمَ السفنِ
ملأت فؤادي الخاوي بنورٍ من الله
كي يحميكَ يا وطني
أتيتكَ اليوم والشوقُ يأخذني اليك ..
والهواء الطلق يعزفني بشامك ..
أيها التميمُ ..
هذه كلمات يعربية اللحنِ
شموخية الأصلِ
دِمشقية الهوى
بعد عامٍ من الآن !!
سنلتقي مجدداً
في ربوع الوطن .......

[القلم النازف]

صباح الخير ياوطنا يتنفس شهداء

[روووح الحب]

غنوا معي, غنوا صباح



الحب يا سورية الأحرار



غنوا وسمعوا منها رد السلام



كلمة بحبك سورية ئدام الله



مزينة بطوء ياسمين والغار



نغنيها سوا ونحبها



نحنا ربيع العمر بالمشوار

[روكانا]

صباح الخير ياوطني
صباح الخير مع كل اشراقة شمس تشرق رغما عن انفهم
صباح الخير لكل برعم امل تفتحت ازهاره في بلادي
ومن تحت غبار القنابل واصوات الضجيج

وصبااااح الخير للاخوتي في منارة سوريا

[روكانا]

صباح الخير ياوطني
صباح الخير مع كل اشراقة شمس تشرق رغما عن انفهم
صباح الخير لكل برعم امل تفتحت ازهاره في بلادي
ومن تحت غبار القنابل واصوات الضجيج

وصبااااح الخير للاخوتي في منارة سوريا

[روووح الحب]

[Link nur für registrierte Benutzer sichtbar]

ستكون غدا إن شاء الله خاطرة كاملة

[روووح الحب]

في دمعة بالغيمة

في ريح وفي أسرار

في بسمة عمتغرء

وفي كلمة وفي أخبار

متل النهر الساكت

متل زهر البيلسان

جيت لئيتون فيك

بتضحك الي فيك زعلان

كل الدنيا بتروح

وما بيبئى غيرك يا وطني

بتضلك حر ومتحرر

[روووح الحب]

مبارح وأنا وعمبسعك

حسيت لما حكيت

ياسمين بعيوني غفيت

وعيوني آه حملتون معك

وصار الحنان يغدء

.... من كل مكان

........ تا يسمعك

[روووح الحب]

تعبني بُعدك القاسي


تعبني يا أغلى من


......... كِل ناسي



ما تسألني ليش؟


...ما بحكيلك



آهاتي هي إل بتئلك



دمعاتي هي ع ئلبي



.......... بتدلك



وربي وعيونك أنا



بس حنيتلك



وبدي هالبعد الطويل


.يزيح من دروبك

[روووح الحب]

مرأت العصفورة حزينة



......بعيونها البكي



سلمت ...... حزينة



وبشفافها الحكي



هالأيام شو هالأيام؟



وَين الحلم إلي غنى



............ أمانيها



وين الضو إلي نور



............. لياليها



يا سامعني أفتحلي



.......... أيديك



آه خبيني بعينيك



وزهرني حواليك



ياسمينة ما تتغير



.......... معانيها



أنا صوتي أبداً



ما كان إلا لحواريها

[روووح الحب]

شو مبكى ها لدمعات



عـ عُمر ضاع بالمتاهات



شو معودْ ها لدقات



عــ متل ها لدعسات



الليلة سمعت وكأني ما



سمعت مغنى ها لحياة



أنا إلي مش أنا ضايع



بصحرا عطشان فوق


.............. الكسرات

[روووح الحب]

وطني أنا حمامة


مزينة بريش حب


........ وسلام


ونحنا ربيع الشام


وحكاية غرام


يا شام الياسمين


إلــ عميغرني بياضوا


زكرتنني بصحابي


وحبي وزكرياتو


يا مطر حاج


تشعل بدربي


أيام الحنين


... وأفراحو

[روووح الحب]

صباحاتُ دمشق الآن تُمطر


ونفسي مِثلُها .... تُمطر


وفي الشارعِ ألفُ


.......ألفُ مُخبر


وتقولُ لي صديقتي ((سيلينا))


لِما لا نمشي مِن المقهى


فلا صيفاً هُنا يُزهر


وربما في ذكرياتنا


..... الدمشقية نُبحِر


فأقولُ لها:


وهل شيءً نَذكُرْ


بعدَ كلِ ما دُمرْ؟

[روووح الحب]

ربي.... يخليك


من صوتك هربني


... متل ريح الياسمين


شردني , ضيعني ,نسيني


الحُب...... إلـــي فيك


بلئبي ..... سكاكين


متل غيمْ ومَطرْ


وظُلم السلاطين


ربي.... يخليك


ما تسدء عمبكزب


...... عليك


أحسن فيي خليك


أنا عمضيع كِل الحُب


من عيونك حتى


....... لائيك

[المنتصر بالله]

ربي ما حرمنا من صباحاتك أخي روح الحب

تحياتي لك

[روووح الحب]

ربي ما حرمنا من صباحاتك أخي روح الحب

تحياتي لك
ربي يسعدك ويطيب كل اوئاتك
بالفل والياسمين الشامي يا غالي

[روووح الحب]

أزرعها بقلبي هالمرة يا وطني


طنش شو حياتون


غير تمسيح جوخ يعني


خليون يغنوا ونحنا منغني


وما منسأل الشمس


لمين هامتها بتحني


خليلون الشمس


معنا الله


معنا ثورة


إلنا جنهِ

[روووح الحب]

شو يعني شُعراءْ بالشعر


.......... دوخوكْ


قالوا في شمس بتهمسلك همس


وهني من الأصل ما حبوك

[روووح الحب]

يصبحك بالخير يا أمي وياشام


غفيني ع صدرك لأعشق الأحلام



نام وأمشي وما بشوفغير الغرام



مو أميرك أنا وأنتي مملكتي بالحنان



مابصيد من غاباتك لا غزلان ولا حمام



بخليون يمروا من حناني ويغنولي سلام



وبرد عليون التحية يا مية مرحبا



ويا سحر الكلااااام

[روووح الحب]

ما تغير شي بإحساسي


أنتي ,أنتي بتضلي


...... الحُب الئاسي


ما تهتمي بتاريخي شو ناسي


ما بيبهرني حرفك ولو كان


من المطر منزل ولو كان ماسي


ما تغير شي بإحساسي


أنتي, أنتي ضو مطفي


بشجرة ميلادي


بقلم الشاعر تميم(روح الحب)

[روووح الحب]

سوفَ نبقى يا وطني


نارُ الحُبِ الرائِعْ


سنمشي يا وطني


نحملُ في يدنا


أطفالنا ونِسائنا


وياسمينُنا وزيتونُنا


وحِجارةَ الشوارعْ


سنمشي يا وطني


قمرٌ وشمسٌ ووحيٌ


ورعدٌ وبرقٌ لامِعْ


سوفَ نموتُ يا وطني


لتحيىَّ بِلا مدامِعْ


فإن ما دافعنا عنكَ


فعن من نُدافِعْ


بقلم الشاعر تميم(روح الحب)

[روووح الحب]

لو عندي جناحات


لطير ع.. العالي


واتخايلك شمس


....... قبالي


وأحلى من هزة سرور


بحطك ..... فبالي


وحياة رحمة وجعي


وحياة ياسمينك الغالي


انتي بس اندهيلي


لهِبْلكْ هوى شمالي


على ترابك يا شام


بس انتي بعتيلي


كمشة زغاريد ولاليلي


لكون متل ما بتعرفيني


من رجالكْ النبيلهِ


بقلم الشاعر تميم(روح الحب)

[روووح الحب]

بدي ئلك شي:
بسمعك بالهمس ع تشكي
بزحف لحضنك بحسك عمتبكي
وسكوتك بيكتفني بيزيدلي شكي
بيهزني بيئهرني بيجرحني
كلماتون المكتوبة لعينيكي
المحروئة بنار مبارح
ومن دمعون الجارح
نارون كزب وئلبون حجر
و منون ضاعت الأماني
وفيكي احتاروا شو قال
ما لاقو من الأغاني
غير يلي حنانها ثواني
آه حاج يا شام
احكيلون ماحدا يلحئني
بقلم الشاعر تميم