ياصاحبي ماني على الصد مجبور**** ولا لي على الفرقا ياحيي اقتناعي
العذر لك إن كان جا مني قصور **** والعفو منك ان كنت للوصل ساعي
انت الوصل يوم اني قلبي به شعور **** فيك الحلا والزين حلو الطباعي
أنت الشعاع اللي غشا الضلمه بنور **** وأنت الحياه اللي عليها متاعي
أطلب يالعن ابو اللي تنخاه مايثور **** أنخا ولد شمر وأمرك مطاعي
ياقف معك ثم يقلب الضيقه سرور **** أنت امش له خطوه ويمشي ذراعي
وقف دقيقه قلي عنه ومشكور **** ذيك الجميله آه منها ياواعي
حطت بقلبي حزن وآهات بالدور **** ليته تشوف فضول حسن أطلاعي
واجد هون قلبي ولاكنه يبور **** مالي بعدها في هوى الغيد داعي
هو سيدي سيد الغنادير غندور **** هو مهجتي ذاك الغضي للتياعي
من فرقته أظن لي عدة شهور **** للحين افكر ليه رخصني وباعي
ليه زعلت ليه تركتني على الفور **** ليش إن حبيبه يرتجي له نفاعي
تدري بأن غير له القلب منهور **** وأخاف لايجيها من الناس الطماعي
لقت بديلي وأتضح كل مستور **** مرحوم ياحبن له القلب ناعي
راحت وخلتني مع الغيض مقهور **** من عقبها ضاقت علي الوساعي
صحيح يحز بخاطري شوفة السور **** وأفضل انسى طلته بإمتناعي
ماني براجع له بعد كان موقور **** الحر دايم نظرته للرفاعي