هاض الظمــــير ( درة القصيد) عودة بعد الغياب

[frame="13 75"]
[/frame]

[frame="13 75"]

يوم أستوت لـة فكرتـة مافهقهـا​

يجرها جر الرشا من علـى البيـر​

يوم أعتلق بأقصى المحالة شنقهـا​

وأنزم حبلـه وأقطعتـة الشناتيـر​

يوم المحالـة فـي حبالـة نتقهـا​

دلوه قصيـر وعقبـوه المصاديـر​

في نقرتن قفرن تحتـرش سلقهـا​

في خايعن فيـه الذيابـة محاديـر​

ماكن فيـه النـاس ربـي خلقهـا​

ماحولة الا صوت شهب الزرازيـر​

وسود الجبال اللي صداها صهقهـا​

من العطش كبدة على صالي الكيـر​

زفيرهـا متخالطـن مـع شهقهـا​

ورجليه من حر الرمض شلها السير​

تعرق على اليبدا وينشـف عرقهـا​

وضاعت علومة وأخلفوه المداويـر​

اللي عقب ماصـدر المـاء لحقهـا​

وأمسى علية الليل من غير تيسيـر​

يتنـى تباشيـر الولـي لاوثقـهـا​

عطشن معاليقة .. عيونة مساهيـر​

ويديـه مـاداوى زهابـة شققهـا​

وقاموا على شفة تـدور المناعيـر​

كلن يقول أن شاشت الخيل سقهـا​

فوق الاصايل روحوا حـزة عصيـر​

تترز محازمهـا الوسيعـة تفقهـا​

وتفرقوا بأمـر العويـدي زنيهيـر​

من يـوم كلمـة دورولـة نطقهـا​

أحدن شمال القوع غربن من الديـر​

وأحدن جنوب الجمع يدرق درقهـا​

وجابوة من فوق النعش بالتحاسيـر​

عادت لهم دنيا الحسايـف محقهـا​

وأستقبلوه الجمع رعيـان وأميـر​

والصبح عـدوا للجنـازة خرقهـا​

وصلوا على الجثمان بآيات تذكيـر​

قبل مغيب الشمس يبـدي شفقهـا​

وحطوه في قبرن عساه الشخاتيـر​

من مزنتن تحيي الشجر مع ورقهـا​

وأنا سبايـب حـب سيـد الغناديـر​

اللي عن الخفـرات ربـي فرقهـا​

قامت على نفسي همومي طوابيـر​

ومرن سبا عوج الضلـوع وفتقهـا​

وسقمن ليا جاني تجينـي حواشيـر​

لولا الدعاوي كان روحـي خنقهـا​

أضيق لة وأنـوح وأحـن وأغيـر​

وأشفق وتانـي خطوتـة لاطرقهـا​

لاشفت زولة شفت بيض التباشيـر​

وأن راح روحي من ضلوعي سرقها​

والعين في طرياه تاخـذ مشاويـر​

يسحب نظرها والجفـون يحرقهـا​

عيني معي لاشـك نظراتهـا غيـر​

حتى على حلـو الكـرا ماعتقهـا​

تبغى المنـام ولا بغتـه المقاديـر​

طاريه لو تسبـق مجيـة سبقهـا​

يلعب بها لعب الورق في المعاصير​

وأن غمضت بتلا الطواري صفقهـا​

وأن قلت ياعين الشقى عييني خيـر​

كني علـى سقـم العنـا مغتبقهـا​

هذة سنة وأنا أنشد النـاس وأشيـر​

وأصارع بحـور الزمـن وأحدقهـا​

ولاخذت مطلوبي ولانلـت تفسيـر​

ولاذقـت ميـرادي ولاقـال ذقهـا​

دنيا(ن) خسرت بها كثير المخاسيـر​

رشت على ريح السعـادة صنقهـا​

ومن خانتة دنياه شـاف التعازيـر​

تصبح على رجواه طرمـا وصقهـا​

يشيب في عزة وهو تـوه صغيـر​

لو عارض اللحية بموسـة حلقهـا​

منها فنا العبـاس وكليـب والزيـر​

والعامري يومـن ليلـى عشقهـا​

والامر عند اللـة حسيـن التدابيـر​

اللي جميع الخلـق بأمـرة رزقهـا​

[/frame]

رد: هاض الظمــــير ( درة القصيد) عودة بعد الغياب

السلام عليكم ورحمة الله وبركاته

شكرا انك حطيت الموضوع باللهجة السعودية

بس ممكن لو تحط شرح ابعض العبارات
عن جد انا ما فهمتها

شكرا لرحابة صدرك

رد: هاض الظمــــير ( درة القصيد) عودة بعد الغياب

يسلموووووووووو على المرور الرحب الرجاااااااااء راجع القاموس
ههههههههههههههههههههههههههههههههههههههههههههههههههههه
تقبل تحياتي بود